Jornalísta : Arménio //
G-RTV.com (Dili) : Ohin, kompletamente fulan ida, José Ramos-Horta hala’o kna’ar hanesan Prezidente Repúblika períodu 2022-2027, ne’ebé hetan posse iha óras 00:00 Kalan iha tasi-tolu fulan ida liu bá.
Iha fulan ida hala’o kna’ar, iha okaziaun vizita sekretariadu G7+, Horta temi Timor-oan sira ne’ebé oras ne’e moris iha provínsia Kupang (NTT-Indonézia) desde Timor Leste haketak-án ho Indonézia iha tinan 1999 liu bá.
‘’Ha’u husu organizasaun G7+ atu apoiu ha’u resolve Timor-oan sira iha Timor Osidentál (Kupang), ha’u nunka haluha sira, mandatu da-uluk ha’u la konsege rezolve, iha mandatu ne’e ha’u hakarak rezolve,’’ Deklara Horta Hafoin vizita sekretariadu G7+, Palasiu Guvernu, Segunda Feira, 20/06/2022.
Prezidente Repúblika ne’e, fortifika tan, ‘’Barak hakarak fila maibé hasoru justisa internasionál’’ Deklara Horta bainhira hato’o rekomendasaun bá organizasaun G7+.
Além koalia konabá Timor-oan sira iha Kupang, Horta moos apresia bá líder nasionál Kay Rala Xanana Gusmão hamutuk ho nasaun sira ne’ebé halibur-án iha G7+ tambá bele sai observadór ida iha ONU bainhira koalia konabá Páz no diálogu, no sempre rona mós G7+ nia hanoin nu’udár instituisaun multilateral.
(REMATA).
loading="lazy" />