G-NEWS (DILI) – Sidadaun sira, Ativista, lideransa Organizasaun Arte Marsiais no Federasaun sira konsidera ho projetu Dekretu Lei ba kriasaun Comição Regulador Arte Marsiais Instituto Público (CRAM.IP), no aprova ninia estatutu, hanesan polítika ida ne’ebé arbiru, no hamosu previleziu ba lideransa, iha ne’ebé Estadu tenke halo gastus.
Ho ezisténsia CRAM ne’e sei hamosu diskriminasaun ba Federasaun ka Asosiasaun Foin Sa’e sira nian ne’ebé eziste kleur ona, tanba CRAM hanesan órgaun komisaun ida ne’ebé regula Organizasaun Arte Marsiais. Tuir loloos Governu apoiu CRAM atu sosializa regras no prosedimentu OAM sira.
Akademista UNTL Noe Bernardino Ximenes hateten, la aseita CRAM sai Instituto Público. Tanba tuir Nia, CRAM nia membru hirak ne’e mai hosi Organizasaun Partidu sira.
“Iha assuntu desportu ne’e ita koalia kona-ba fíziku no mental ba Desportu, laos fíziku mental ba polítika. Sasan sira ne’e presiza ánaliza no tetu hafoin halo desizaun, laos naran tur, halo dadauk ona”, informa Noe ba G-News (Sexta-Feira, 10032023).
Iha parte seluk, joven balun diskorda kona-ba desizaun ne’e.
“La’os la aseita maibé tansforma ba IP ne’e nesesáriu ka lae. Depois prezisa haree mós ba enkuadramentu legal sira ne’ebé iha nesesita CRAM ba IP ka lae? Depois se ba IP ne’e benefísiu saida mak sei benefisia estadu ida ne’e. Pior Liu mak Estadu investe osan boot ba CRAM maibé rezultadu saida mak CRAM oferese ona, instabilidade balun mosu ikus ikus ne’e envolvmentu membru grupu arte marsial, sera que CRAM transforma IP Mak halakon konflitu hirak ne’e”, sidadaun ne’e kestiona.
Iha paete seluk, Sosiedade Sivil balun mós lamenta, no deklara katak, ho ejisténsia Institutu público hanesan kriasaun ne’e hodi buka autonómia finanseiru no patrimónial, iha ne’ebé sei gastas orsamentu, no hetan previléjiu oi-oin.
To’o informasaun ne’e fó sai, G-News seidauk hetan konfiasaun hosi Sekretária Estadu Juventude no Desportu.
Jornalista : Ekipa G-News
Editór Testu : Amito Qonusere Araújo
loading="lazy" />