La Hatudu Nia Romántiku Iha Kampaña, Taur No Isabel Hatudu Iha Loron Votasaun

Jornalísta : Amar Belo //

G-RTV .Com (Dili) : Parte dadér, Atuál Primeiru Ministru (PM), Taur Matan Ruak ne’ebé akompaña nia espoza Isabel Da Costa Ferreira hanesan kandidatura ho númeru sorteiu 1, to’o iha sentru votasaun hodi ezerse direitu votu.

Hanesan ho família sira seluk, Taur ne’ebé hatais, kamiza mutin, kalsa jeans ho kór ajúl, emita tuir mós husi nia espoza iha loron votasaun ne’e, hatudu nia romántiku hanesan líder iha nasaun ida ne’e.

Maske antes ne’e, iha tempu kampaña durante loron 15, atuál xefe guvernu nu’udár mós laen kaben husi Isabel Fereira hanesan kandidata ida, Taur nunka partisipa.

Hafoin ezerse sira nia direitu iha kabinu votu, kandidata ne’ebé akompaña husi nia Laen iha entervista hateten, loron ohin importante ba povu atu ezerse sira nia direitu hodi hili prezidente repúblika

“Loron ohin 19 Marsu 2022, loron importante ba povu tomak hodi ezerse sira nia direitu hodi hili ita nia reziudente repúblika, ha’u espera povu Timor Leste foti desizaun ne’ebé lós no di’ák atu eskolla prezidente ida ne’ebé atu tau matan no hadomi povu ba rai ida ne’e at liberta povu husi mukit no kiak”, Hateten Isabel iha Sentru Votasaun EBC filial, suku metiaut (Dili), ohin sábadu, 19/03/2022.

Nia afirma tan, sai prezidente eleita hakarak hakbesik-án ba povu hodi hamutuk ho povu kiak atu sai husi kiak no mukit fó importánsia hare sira nia-oan nia eskola hodi bele muda Sira Nia Moris, família no nasaun.

Iha fatin hanesan, atuál PM Taur Matan Ruak, agredese ba populasaun tomak durante kampaña to’o realizasaun eleisaun la’ó di’ák.

“Ba dala-uluk, ha’u hakarak hato’o agradese ba populasaun tomak tamba kampaña la’o di’ák no mós instituisaun ne’ebé mak tau matan bá seguransa no hein katak votasaun ne’e sei di’ák liu no hein katak votasaun ne’e la’o ho di’ák no husu ba elitór sira lable hein uma maibé tenki ba sentru votasaun hodi ezerse sira nia direitu” , Deklara Taur.

Esperánsa ba Prezidente foun ne’e, eis-guerrileiru ne’e hatutan, prezidente ida ne’ebé povu hili, Ita hotu serbisu hamutuk ho nia para tinan lima mai ne’e tau matan ba ita nia nasau. (REMATA).