G-NEWS (LOSPALOS) – Hela deit oras ida atu akontese ona fenómenu Eklipse Solar iha territóriu Timor laran tomak, iha ne’ebé rai sei nakukun totál. Com Munisípiu Laútem, no Beaço Munisípiu Viqueque mak fatin atu bele asiste direta Fenómenu ne’e.
Jornalista G-News kontinua halo observasaun, maibé to’o oras ne’e seidauk iha sinál ruma kona-ba fenómenu ne’e, iha territóriu Munisípiu Laútem tomak.
Tuir entrevista G-News, ba rezidente Albina Ximenes, sira iha Lospalos vila, informa, to’o oras ne’e seidauk iha sinál ruma kona-ba fenómenu ne’e, maibé komunidade sira sulan deit iha uma laran, la iha movimentu transporte no ema iha estrada públiku sira.
“La iha movimentu transporte no la iha ema atu lao ba mai estrada públiku”, Tenik Albina.
“To’o oras klima iha Lospalos villa lao normál. Dehan jam-11. 45 mak foin akontese, ne’ebé agora ami prepara hotu ona hahan meúdia nian, no ami iha deit uma laran, odamatan xavi metin, la sai”, Nia informa tán.
Estudante Janisia dos Santos mós informa tán, ho fenómenu ne’e, ami férias eskola. Nia dehan, prosesu aprendijajen sei lao normál hikas iha semana oin.
Jornalista : Ekipa G-News
Editór Testu : Amito Qonusere Araújo
loading="lazy" />