G-RTV NEWS (20/04/2021): Hafoin remata diskusaun Iha PN konabá orsamentu ratifikativu iha Tersa-Feira ne’e, Iha óras 19:40 kalan ÓTL, ‘’La sente kolen’’ Primeiru Ministru Taur Matan Ruak akompaña husi Ministru Obras Públika, Prezidente IGE.IP, no kompañia responsável ba kontrusaun, hakat kedas ba iha fatin konstrusaun rehabilitasaun estrada públiku ne’ebé iha loron 04 Fulan ida ne’e hetan estragu husi inundasaun iha Embaixada Japaun nia oin, rua Praias Dos Coqueiros.
Iha observasaun direta ne’e, Primeiru Ministru Taur Matan Ruak hakarak haree besik kontrusaun ba rehabilitasaun estrada públiku ne’ebé responsabiliza husi Komapañia Montana Diak.
‘’Hafoin Inundasaun iha semana balun liu bá, Primeiru Ministru Forma ekipa rua, inklui ekipa ida hodi responde ba infrastutura ne’ebé estragus, hafoin halo diskusaun, parte Konsellu Administrasaun Fundu Infrastutura (KAFI) deside empreza Montana Diak mak responsabiliza konstrusaun refere tamba iha kapasidade finanseiru, tékniku no esperénsia’’ Ministru Salvador Dos Reis Pires hateten bainhira akompaña Primeiru Ministru iha fatin kontrusaun.
Konabá orsamentu ne’ebé KAFI aprova ba projetu emerjénsia refere, Eis-Dosente Arquitectura UNPAZ ne’e infoma katak totál kustu ba rehabilitasaun estrada públiku ne’e hamutuk $314.000 ho durasaun fulan rua, sura husi inísiu kontrusaun nian.
Iha fatin hanesan, reprezentante Kompañia Monta Diak fo esperansa katak prontu atu garante aselarasaun ba servisu rehabilitasaun kontrusaun estrada públiku iha embaixada Japaun nia oin.
‘’Ami garante servisu ne’e tamba ami nia ekipamentu pezadus sei kompletu, ba fulan ida, ami prontu bele servisu to’o óras madrugada’’ espresa ho esperansa husi Leonito Moniz hanesan reprezentante kompañia.
Jornalista : Arménio.
loading="lazy" />