G-RTV NEWS : Maske Públiku Pániku, Inan-Aman haruka oan sira iha uma, Guvernu deside serka Sanitária no konfinamentu obrigatóriu iha Munisípiu Dili, tamba Pandemia Virus CORONA-19 maibé la halo pániku ba labarik minoridade hodi buka nia moris.
Tuir Androniku Oki (15) hateten katak ‘’ ha’u mai fan tamba Inan-Aman mak haruka’’ haktenik nia iha Estrada Públiku, Faról, Munisípiu Dili. ( 18/03/2021).
Haktuir konabá Moras Pandemia COVID-19, RAEOA-Oan ne’e espresa katak ‘’Ha’u La tauk’’ no nia afirma liu tan katak ‘’ Durante fulan tolu ona ha’u halo atividade fan manu-tolun ida ne’e’’.
Konabá Osan hirak ne’ebé hetan husi rezultadu negósiu ida ne’e, Fontes ne’e konfesa katak‘’ Bainhira ami ba RAEOA mak ami fahe osan hanesan’’
Bainhira husu konabá nia estudu, nia realsa katak nia la eskola no mai buka moris iha Dili, hela hamutuk ho nia maun.
Jornalista G-RTV NEWS observa husi do’ok bainhira remata entrevista, sira na’in rua ho nia Subrinhu Ain-tanan lori nia Manu-tolun, ho oin hamnasa la’o nafatin iha estrada públiku sira iha kapitál Dili, tamba ho ida ne’e mak sei nesesita sira nia moris liu-liu responde nesesidade família maske tuir Lei Kódigu ba Labarik ni’an, labarik ho idade seidauk liu 18, protejidu atu halo kualkér servisu todan.
Jornalista : Julio Paixão.
Editór : Arménio.
loading="lazy" />