G-NEWS (OSSU-VIQUEQUE) – Sábadu (22042023) iha Postu Ossu, labarik barak ba partisipa kampanha Partidu CNRT nian.
Tuir observasaun G-News iha plataforma dijital, públiku barak hala’o postajen labarik sira ne’ebé partisipa atividade ba kampanha eleitóral hosi Partidu CNRT, ne’ebé akompanha hosi nia família sira.
Antes ne’e Aliansa Nasionál Luta Kontra Krime Infantesidu (ANCI-TL) rekomenda ba Partidu Polítika sira atu asegura, no proteze labarik sira iha risku durante kampanha eleitóral no eleisaun parlamentár tinan 2023.
Diretóra Jerál Aliansa Nasionál Luta Kontra Krime Infantesidu Marciana Pereira, ba Jornalista sira hateten, Partidu Polítiku sira iha obrigasaun atu prevene envolvimentu labarik sira iha tenpu kampanha no eleisaun parlamentár.
Tuir Nia, materia kampanha eleitóral ka mensajen ba públiku tenke uza lia-fuan edukativu ba labarik no juventude sira.
To’o informasaun ne’e fó sai, G-News seidauk hetan informasaun ofisial hosu autoridade eleitóral STAE no CNE kona-ba ne’e.
Jornalista : Ekipa G-News
Editór Testu : Amito Qonusere Araújo
loading="lazy" />