Jornalísta : Arménio //
G-RTV.com (Dili) : Emprezáriu Timor-oan Salvadór Henrique Mahoka espressa nia kontente bainhira Komissaun Nasionál Eleisaun (CNE-Silga portugûes) organiza debate ba kandidatu Prezidente Repúblika (PR) 2022 iha segundu volta ne’e ho sussesu iha nia salaun.
‘’Ha’u kontente tebes, tambá de’it na’in nai-ulun rua (kandidatu Horta no Lú Olo), hanesan ita nia Aman no líder ba povu tomak nian, nune’e ha’u nia salaun ha’u oferese gratuita inklui jantar to’o sussesu,’’ Espressa emprezáriu ne’ebé koñesidu ho naran MAHOKA iha salaun OKA 7984, hafoin remata debate, 13/04/2022.
Nia reforsa tan, ‘’Ha’u la’ós foin mak ajuda parte hotu inklui guvernu, maibé ema barak, hanesan atividade sosiál tulun ema kbi’it la’ék, konforme kbi’it ne’ebé ha’u iha,’’ reforsa na’in bá empreza Lotaria Rudal 7984.
Entretantu, iha atividade debate ne’e dedika bá kandidatu Prezidente 2022-2027, José Ramos-Horta ho númeru sorteiu 1 no Francisco Guterres Lú Olo ho númeru sorteiu 2, no modera husi Pe. Bento Barros.
Partisipa iha atividade refere, mai husi akademista, apoiante kandidatu na’in rua nian, sosiedade sivíl inklui veteran sira.
(REMATA)
loading="lazy" />