G-NEWS (DILI) – Kada loron 1 fulan-Maiu nu’udar komemorasaun ba loron traballador iha nível nasionál no internasionál. Maske nune’e, ema barak seidauk hatene kona-ba istória hosi loron traballador ne’e, istória no objetivu ba komemorasaun ida ne’e.
Loron traballador momentu ida atu komemora ba kontribuisaun no atinjimentu traballador sira ba dezenvolvimentu ekonómia no sosiál global. Loron traballador mós koñesidu ho May Day tanba komemora kada loron 1 fulan-Maiu kada tinan.
Iha momentu ne’e tempu di’ak no loos atu konsidera no hakonu direitu traballador ne’ebé luta ba sira nia moris.Tuir mai, iha esplikasaun kona-ba loron traballador iha loron 1 fulan Maiu ho ninia istória. Sani ba!!!
Istória loron traballador
Ne’ebé haktuir iha sítiu Universidade Brawijaya, May Day, ka koñesidu liu ho loron traballador, ne’ebé komemora iha loron 1 fulan-Maiu, nu’udar loron atu respeita luta no kontribuisaun traballador ninia direitu no ambiente servisu.
Fila fali ba Estadu Unidu Amerika iha sékulu ba-dala 19 ikus, bainhira grupu servisu na’in sira ejiji sira nia direitu dervisu iha tempu férias, saláriu ne’ebé adekuadu no kondisaun servisu ne’ebé seguru.
Iha loron 1 fulan-Maiu tinan 1886, akontese demonstrasaun ne’ebé envolve hosi traballador sira rihun iha Chicago, EUA, hodi ejiji sira nia direitu iha servisu fatin. Nune’e, demonstrante sira ikus ho violênsia no balun tenke lakon vída, ne’ebé afeta ativista na’in-4 tama prizaun, no aplika pena do morte kona-ba akuzasaun hala’o asaun terorismu.
Akontesimentun ne’e halo movimentu traballador internasionál atu komemora luta ba traballador no defende sira nia direitu iha ambiente servisu. Iha tinan 1889, kongressu loron traballador Internasionál ne’ebé hala’o iha Franca, deside atu komemora insidente Haymarket, no hatudu solidariedade ba traballador sira. Sira deside loron 1 fulan Maiu nu’udar loron solidariedade traballador Internasionál” no komemora mós iha mundu. Loron traballador Internasionál nu’udar momentu ida atu luta ba traballador sira nia direitu, no hadia sira nia kondisaun servisu.
Loron Nasionál Traballador iha Timor Leste
Iha Timor, Estadu rekoñese loron 1 fulan-Maiu nu’udar loron nasionál traballador, ho objetivu atu valoriza timoroan nia servisu liu-liu Timor oan sira iha rai laran no rai liur, kontinua sai neon badaen hanesan São José hodi kontinua produs buat diak sira hodi kontribui ba Dezenvolvimentu Timor-Leste nian.
Loron Traballador Internasional sai loron istorikal ba traballador hotu-hotu hodi ezizi nafatin direitu balun mak seidauk kompleta inklui mós ba traballador doméstiku. Komemorasaun loron ida neee sai opurtunidade ba parte husi traballador sira hotu hodi hato`o sira nia mensajen ba empregador liu-liu ba Governu, atu iha igualdade direitu ba traballador sira hotu ba dezenvolvimentu nasionál liuhosi kria kondisaun servisu ne’ebé desente ba traballador doméstiku, realiza lei espesifiku hodi proteje direitu traballador domestiku no traballador doméstiku iha lei seguransa sosiál.
Maske Governu Timor-Leste hasoru dezafius oin-oin iha prosesu rekonstrusaun ba dezenvolvimentu nasionál, maibé iha setór balun komesa hatudu ninia kualidade servisu ne’ebé as no di’ak, liu-liu setór prioridades hanesan saúde, edukasaun, agrikultura, infraestrutura no seluk tán. Área hirak ne’e, governu hamutuk ho organizasaun parseiru dezenvolvimentu, sosiedade sivil no mós ho povo tomak, iha vontade makaas atu hadia hamutuk no hadia di’ak liu maske ho kapasidade natoon.
Maibé atu atinji kondisaun séguru iha servsu fatin, servisu na’in tomak bele reduz risku ne’ebé servisu na’in hetan iha kampu servisu, ho razaun katak servisu na’in hotu-hotu iha direitu no asesu hanesan atu hetan isin di’ak iha kampu servisu. maske servisu ki’ik, maibé hahú avansa ho lei traballu ne’ebé mak iha,i bele refleta ba realidade moris traballadór iha Timor-leste, traballu dignu, dezenvolvimentu sustentavél.
Atu promove dezenvolvimentu setór privadu nasionál ezisti área prioritáriu 3 ne’ebé tenke promove hanesan forsa traballu kualifikada, jestaun, no emprendedorizmu. Atu realiza diagnóstika sosiu ekonómiku nasionál hodi define baze implementasaun, sistema mapamentu jeográfiku ekonómiku iha rai laran, nune’e bele realize mapamentu produtivu nasionál, sensibiliza no orienta investimentu públika no privadu iha prosesu promosaun dezenvolivmentu sosiu ekonómiku sustentavel hodi kria oportunidade atu implementa negósiu foun no postu traballu maun de obra kualifikada ba setór privadu nasionál ba nia dezenvolvimentu.
Ho traballador sira nia ejisténsia servisu, obra mak muda mundu ida-ne’e, sai modernizadu, sivilizadu ho teknolójia. Traballador eroi ba rai ida-ne’e (Timor-Leste). Iha loron importante ne’e, traballador hotu atu kontinua hatudu vontade servisu hanesan eroi hodi kontribu ba mudansa dezenvolvimentu iha nasaun ida-ne’e, tán traballador hotu mak aswain no éroi foun ba Timor-Leste.
Loron traballador tuir fiar Katólika
Ba loron ohin, Igreja Katólika iha Timor mós selebra loron Säo José, servisu na’in, loron ne’ebé selebra mós hanesan loron traballador nian. Igreja Katólika hanoin, se hakarak liga loron ida ne’e, bele halo reflesaun hodi hanoin, hodi husu, ha’u nia servisu loron-loron nian, iha fuan ka lae, ha’u lori duni ha’u nia servisu hirak ne’e, espresa duni, ha’u nia ligasaun metin ho Jesus, José ho Maria nia oan ka lae?
Tuir fiar Katólika nia hanoin, iha prezensa Na’in Feto no São José nia loron ne’e, Igreja Katólika konvida ema ida-idak atu refleta kona-ba mensajen no imejen furak ne’ebé mak Na’in Jesus fó mai ita kona-ba uvas foun no sanak. Hanoin kona-ba uvas foun no hanoin kona-ba ita nia an rasik ne’ebé ligadu ho uvas foun ne’e. Tur hodi hanoin, tur hodi reflete kona-ba imajen furak ida ne’e iha orasaun no husik Maromak atu ko’alia ba ita ida-idak. Nia hakarak halo buat boot ba ita ida-idak, no hakarak mós atu liuhosi ita bele lori fuan barak ne’e ba mundu. Bainhira ita tabele an nafatin ba Nia, kesi an nafatin ba Nia, ita sei produs fuan di’ak barak.
loading="lazy" />