G-News (Dili) – Ministériu Solidariedade Sosiál no Inklusaun (MSSI) hala’o sorumutu ho Konsellu Diretiva ba Programa Solidariedade Sosiál no inklusaun entre MSSI/ SeII/ DFAT iha salaun Orchid Room Timor Plaza Kinta-Feira ne’e (20/10/2022).
Assuntu ne’ebé diskute mak Bolsa da Mãe jerasaun foun no Violensia Bazeia ba Jéneru.
Ministra Solidariedade Sosiál no Inklusaun (MSSI) Armada Berta ba Jornalista sira katak, implementasaun Pagamentu ba Bolsa da Mãe sei hahú husi munisipiu Ainaro, Rejiaun Enklave Oecusse no Bobonaro.
“Atividade ohin ne’e SeII/ MSSI ho Governu Austrália, ko’alia kona-ba Bolsa da Mãe liu-liu liga ba jerasaun foun no mós bazeia ba Jéneru tanba Bolsa da Mãe jerasaun foun ne’e lansa tiha ona iha Ainaru husi Primeiru Ministru rasik, ita halo projetu Pilotu ne’e ba Munisípiu tolu mak Ainaro, Oecusse, Bobonaru no ita mós sei aumenta tan Munisípiu hitu ba tinan oin 2023”, Ministra Berta haktuir
Governante ne’e haktuir tan, implementasaun ba projetu ne’e sei implementa iha tempu badak nia laran, ba Munisípiu sira ne’ebé mensionadu.
Jornalista : Alves Pinto
Editór : Amito Qonusere Araújo
loading="lazy" />