G-RTV.com (Dili) : Bainhira sai parseiru iha relasaun domin (Namora), sempre iha mehi ida atu bele to’o forma uma-kain ka moris hamutuk nu’udár kazál ida. Maibé la’ós ema hotu-hotu nia relasaun no mehi ida ne’e konkretiza, maske relasaun domin ne’e harii no la’o tinan barak nia laran, maibé durasaun tempu la garante, iha de’it mak tuir Maromak nia planu ne’ebé dala ruma halo laran susar hanesan ema normál.
Nune’e, Publikasaun husi Liputan6.com iha loron 14 fulan ida ne’e, haktuir katak mane klosan husi nasaun vizinhu Indonézia, fahe nia istória ho nia namorada durante tinan barak. Istória sira rua nian, halo netizén sente triste, tambá relasaun ne’e, hahu desde iha ensinu sekundáriu.
Vídeo ne’ebé publika iha Tik-Tok @ekkyirdiansyah esplika konaba nia ho nia namorada ne’ebe la’o ona durante tinan 13. Infelizmente, finalidade husi relasaun ne’e, sira labele hamutuk.
Feto ne’ebé mane-oan ne’e tau fiar no hadomi , ikus mai kaben ho mane seluk. Felizmente, atitude mane-oan ne’e, hasoru feto ne’ebé nia hadomi, halo ema barak apresia tambá nia hatudu konxisténsia no konxiénsia katak namora malu tinan barak la garante atu lori ita ba iha altar santu hodi simu bensaun Maromak nian hanesan kazál ida.
Iha publikasaun vídeo ne’ebé Ekky publika, konabá feto ne’ebé oras ne’e sai ona nia eis-namorada, sira rua hasoru malu no hahu iha relasaun espesiál desde tinan 2008 liu bá. Momentu ne’ebá sira rua sei iha klasse 1, Ensinu sekundáriu to’o remata iha tinan 2010.
Husi ensinu Sekunária, lori sira ba to’o iha universidade hamutuk, no ikus mai gradua hamutuk iha tinan 2015, fo sai husi liputan6.com husi vídeo ne’ebé Ekky publika.
To’o loron ida, Ekky simu realidade tambá feto ne’ebé nia tau laran, no hala’o moris ne’e hamutuk iha tempu diak no susar nia laran, tenke husik nia hodi simu mane seluk atu kontinua to’o kazamentu, ekky hela de’it ho istória.
“Because we never know what’s God plan for our future,” liafuan iha Vídeo refere ne’ebé publika husi Ekky.
Ekky kontinua hakerek ‘’Tapi Tuhan berkehendak lain, karena yang lama belum tentu bersama,”.
Maske situsaun nune’e, ho fuan forte no hamnasa midar, Ekky nafatin kria relasaun amizade ho nia eis-namorada no família. To’o Ekky partisipa hanesan konvidadu iha festa kazamentu nia eis-namorada nian. vídeo Ekky hetan atensaun no sai virál ho nia haree na’in hamutuk ema rihun 6 resin views.
Editór : Arménio.
loading="lazy" />