Observadór UE : ELPR 2022 La’o Kalma

Jornalísta : Amar Belo //

G-RTV.com (Dili) : Observadór missaun observasaun eleitorál Uniaun Europeia (UE), hateten, elisaun prezidensiál (ELPR) 2022 volta daruak ne’e la’o ho kalma no órdem tambá organizadu tebes husi parte autoridade eleitorál.

“Preparativu sira ba votasaun organizadu tebes husi parte autoridade eleitorál sira no loron eleisaun la’o ho kalma no órdem inklui prezensa fiskal sira husi kandidatu ida-idak no observadór nasionál sira halo prossesu ne’e sai transparante, ” Deklara Xefe delegasaun missaun observadór husi UE, Domenec Ruiz Deveza iha konferénsia imprensa, ótel Timor, Dili,kuarta feira ne’e, 20/04/2022.

Xefe observadór ne’e subliña tan, ‘’Elisaun sira ne’e kompetitivu no kampaña hala’o ho maneira pasífiku tebes, ne’ebé iha atake pessoál oituan iha rede sosiál no husi ne’e feto sira ne’ebé partisipa iha eventu kampaña hanesan ki’ik maske iha aumentu husi feto nia partisipasaun ativu nu’udár oradór, assuntu empoderamentu feto hetan menus atensaun duké iha primeira ronde”. Nia subliña

Iha tempu hanesan, Prezidente Komissaun Nasionál Elisaun (CNE-Sigla Potuguês), Jose Belo rekoñese ho missaun observasaun UE nia servisu tamba sira nia observa  ba ita di’ák tebes.

‘’Kampaña ho kualidade sira nia apressiasaun di’ák teb-tebes ba ita ho komentáriu ne’ebé pozetivu, ha’u hanoin ne’e Timor-oan tenki kaer ida ne’e hanesan baze ida, kaer metin nafatin mezmu kampaña hotu ona  mais kualidade hadia ita nia  orgaun eleitorál serbisu ne’ebé ita halo maibé sira kontente ho ita nia serbisu ne’,.”  Belo Deklara.

Durante segunda volta, UE observa katak emisora publikasaun husi Rádiu no Televisaun Timor-Leste (RTTL,Ep) fornese kobertura editoriál ekuatativa ba kandidatura na’in rua. Estasaun privadu Grupu Média Nasionál (GMN TV) kontinua fornese maioria bá Ramos-Horta nia kandidatura. RTTL,Ep fornese kobertura notisioza oituan ba Lú Olo enkuantu GMNTV nia notisiariu aprezenta, Ramos Horta maioria duke Lú Olo.

Enkuantu missaun ne’e haleu iha Timor tomak hahu fulan Fevereiru 2022 nia laran no ninia konkluzaun sira bazeia bá observasaun direita atividade eventu kampanha 200 no liu entervista hamutuk ema na’in 1.000 no iha loron eleisaun liu, observadór UE na’in 40 relata liu husi1 60 estasaun votu iha munisípiu 12 inklui RAEOA.

(REMATA).