Dili, 25-03-2021 (G-RTV): Maske Serca Sanitaria no Comfinamentu obrigatoriu neʾebé estadu implemeta iha teritóriu Timor-Leste maibé Joven lubuk oan ida husi Aldeia Kasnafer, suku Dare, Postu Administrativu Vera Cruz, Munísipiu Dili kontinua suru Rai Henek iha mota ulun Comoro hodi buka osan atu sustenta nesesidade famíliar
Mateus Pereira Seixas hanesan representante husi Joven lubuk oan neʾe, nia hatoʾo espresaun ba jornalista G-RTV iha nia servisu fatin katak tempu neʾebé seidauk iha serca sanitaria no comfinamentu obrigatoriu hetan rendimentu neʾebé diʾak, maibé hafoin estadu implementa compinamentu obrigatoriu halo sira nia grupu senti triste tanba redimentu komesa tun no loron ida ema ladun hola hanesan loron bain-let neʾebé seidauk iha serca sanitaria
“momentu ne’ebé seidauk tama estadu emerjensia bainhira ami suru rai henek sempre ema hola hela deʾit, loron-loron, maibé agora estadu implementa tiha serca sanitaria no compinamentu obrigatoriu neʾe ami senti triste tanba ema la dun mai hola ona ami nia rai henek neʾebé ami suru no rendimentu komesa tun fali ona” haktuir nia.
Servisu hahu husi dader to’o lokraik hodi suru Rai henek iha mota laran no baku ba númeru 1- 2 ho presu neʾebé la hanesan, Rai Henek númeru 1 ret ida (Baskolante isin ida) presu $ 20. 00 dólar Amerikanu no Rai Henek númeru 2 ho presu $ 15 dólar Amerikanu, maibé agora ema nunka mai hola.
Mateus Pereira Seixas neʾebé hamtuk ho Joven sira seluk hodi suru Rai Henek neʾe, agora dau-daun halo hela nia estudu iha Unisversidade Nasional Timor Lorosaʾe, fakuladde siênsia Edukasaun no Departamentu Formasaun Professores
Jornalista : Julio Paixão
Editor : Alves Pinto
loading="lazy" />