G-NEWS (DILI) – Kuarta-Feira (29032023), hafoin Tribunal Rekursu dada sorte númeru ba Partidu Polítika hamutuk 17, ne’ebé prepara atu kompete iha eleisaun Parlamentar iha loron 21 fulan Maiu tinan 2023.
Antes tama ba loron eleisaun, partidu ida-idak sei hato’o nia programa polítika ba dezenvolvimentu nasionál, liuhosi kampanha eleitóral.
Tanba ne’e, Estudante UNTL Domingos de Jesus informa ba G-News Sexta-Feira ne’e katak, líder partidu sira evita deklarasaun polítiak ne’ebé estraga personalidade lideransa, maibé hato’o deit programa polítika ne’ebé fó benefísiu ba Povu no nasaun bainhira hetan konfiansa hosi eleitór sira iha lorom eleisaun.
Iha parte seluk, Armindo Gomes informa, líder sira tenke unidade nafatin, maske diferensia polítika, maibé tenke ho saúdavel, tanba povu hatene no konhese ona atu fo sira nia votu ba partidu ida ne’ebé. Tanba tuir Nia, durante povu akompanha asaun ka deklarasaun lideransa partidu nian, tanba ne’e, tinan ida ne’e tinan polítika, maibé partidu jigante sira mak sei hetan konfiansa hosi povu.
Iha parte seluk, sidadaun ida ne’ebé partisipa iha rezultadu anunsiu númeru sorteiu ba Partidu Polítika sira, iha Tribunal Rekursu, Kaikoli informa ba G-News, husu ba líder partidu sira atu hadame malu, soe tiha ego no arogansia, hodi liberta povu hosi situasaun hamlaha, la asesu bee moos, eletridade no seluk tan.
Nia mós kontinua husu ba partidu polítika sira atu prioritiza deit programa dezenvolvimentu, duke selok malu ho deklarasaun ne’ebé la edukativu, ikus mai jerasaun foun sira la aprende buat barak hosi líder nasionál sira.
Jornalista : Ekipa G-News
Editór Testu : Amito Qonusere Araújo
loading="lazy" />