Jornalista : Arménio //
G-RTV.com (Dili) : Partidu promovidu Os Verdes de Timor offisialmente deklara nia apoiu ba kandidatu Prezidente Repúblika 2022-2027, Francisco Guterres Lúolo.
Deklarasaun apoiu ne’e Os Verdes de Timor lori militante kuaze rihun ida resin konsentra iha Tasi-tolu, iha loron Sábadu, 12 Fevereiru 2022.
‘’ Ba Aman Sira, ha’u husu lisensa ba Rai no foho Lulik,Partidu Os Verdes De Timor, sei apoiu totál ba Kandidatura Franscisco Guterres Lú-Olo’’. Deklara Prezidente Partidu Promovidu Os Verdes De Timor, António Lelahunu Cruz.
Nia afirma liu tan sei servisu maka’as atu lori Lú-Olo iha de’it primeira ronde tambá bensaun husi Os Verdes de Timor
‘’Mai ita servisu maka’as, tambá iha 2017, Lú-Olo hetan bensaun husi Xanana Gusmão, 2022 hetan bensaun husi Os verdes no sei manan iha ronde primeiru dala-ida tan’’. Afirma Prezidente foinsa’e ne’e.
Tuir Os Verdes, Hakarak prezidente ida ne’ebé labele kaer ema nia pasta, labele husu bensaun, tenke hamri’ik metin, se lae Timor sei la buras, matak no malirin.
Lelahunu moos orienta militante Os Verdes de Timor atu ema ida lori na’in 7 atu vota bá Lú-Olo nune’e bele kalkula Os Verdes Sei oferese votu rihun 77 ba Lú-Olo.
Iha fatin hanesan, Sekretáriu Jerál Partidu FRETILIN, Mari Alkatiri haktuir sei fo apoiu tomak ba Partidu Os Verdes de Timor.
‘’Ha’u mai iha ne’e atu apoiu partidu Os Verdes, ha’u la’ós kandidatu Prezidente, maibé ha’u apoiu Lú-Olo tamba nia iha programa di’ák ba ambiente atu halo buras no matak liu Timor Leste, nune’e ita bele servisu ida-idak nia fatin ho konsensu ida atu halo Timor Leste buras liu’’. Haktuir Alkatiri.
Nia moos husu ba Os Verdes De Timor atu hamutuk ho Lú-Olo no FRETILIN atu lori Timor Leste sai buras liu.
Entretantu, desijaun Os Verdes nian ne’e, bazeia ba enkontru konsultivu Nasionál partidu Os Verdes de Timor iha loron 30/01/2022 ne’ebé fo kompeténsia tomak ba Prezidente Partidu atu deside. (Remata).
loading="lazy" />