G-RTV.Com (DILI) : Evikasaun obrigatóriu ne’ebé hala’o husi guvernu liu husi Dirasaun Nasionál Terras no propriedade (DNTP) –SETP nian bazeia ba despaixu despeju administrativu ho númeru 129/GS/X/SETP/2021, hala’o bá grupu Arte Moris iha loron 1 Dezembru 2021 , suku Madohi, Munisipiu Dili, konsidera la respeitu obra Arte inklui pintura husi eroi nasionál ne’ebe hafutar ho bandeira RDTL hodi soe hanesan lixu iha portaun oin hodi la valoriza obra artístiku hirak ne’e.
Tuir observasaun G-RTV nian iha terrenu , nota katak , pintura hirak ne’e mak hanesan eroi nasional saudozu Falutxai ne’ebe hafutar ho bandeira RDTL, Atual tenente jeneral Lere, lider nasional Mari Alkatiri, saudozu Lasama no sira seluk tan .
Razaun husi eviksaun forsada ne’e tamba parte Arte moris la konkorda ho atribuisaun fatin Arte moris nian iha armazem Bebora.
“komarka ita hatama ema , armazem ita hatama sasan , dignidade umana ne’e tau iha ne’ebe , ami la konkorda” haktuir Diretor Arte Moris , Iliwatu Danabere iha fatin akontesimentu, foin lalais ne’e .
Maske nune’e , Grupu Arte Moris laiha ida mak rezeita eh protesta asaun ne’e iha terrenu maibe sira kolabora ho Guvernu liu-liu pessoál DNTP.
“Ami halo tuir de’it , parte Guvernu hatene nia sidadaun atu jere , ami sempre prontu kolabora atu buka solusaun”. Haktuir Diretor ne’e.
Antes ne’e ,iha fulan juñu to’o agustu 2021 halo ona aproximasaun no mediasaun entre governu no grupu Arte Moris hodi buka solusaun ba fatin refere , maibé seidauk iha solusaun serteja , ho hakfodak, derrepente karta notifikasaun sai ona hodi hamamuk fatin iha semana ida nia laran .
Fatin ne’ebé okupa husi Arte Moris hodi hamoris arte iha Timor-Leste durante tinan 18 guvernu deside sei tribui ba konsellu veteranu atu uza hodi hala’o atividade .
Jornalista : Arménio
Editór : Ekipa G-RTV.com
loading="lazy" />