G-News (Dili) – Polísia Nasinál Timor-Leste, (PNTL) dirasaun Tranzitu, Munisipiu Dili, apela ba sidadaun sira iha Dili ne’ebé hakarak konvoiu hodi espresa sentimentu kontentie ba nia ekipa jogador husi nasaun ne’ebé sira apoiu ba, tenke kumpri nafatin lei kodigo Estrada nian
Tuir Komandante Tranzitu Munisípiu Dili Domingos S.Gama hateten adeptus sira ne’ebé halo konvoiu atu espresa sira nia sentimentu kontente ba nia ekipa jogador sira, lei autoriza maibé tenke respeita nafatin kodigo Estrada nian
“aban 14 Dezembru dadersan nasaun rua hasoru malu iha semi final iha Qatar mak nasaun Argentina ho Croasia karik adeptus sira ne’ebé hakarak espresa sira nia sentimentu kontente bele, lei la taka dalan maibé nafatin respeita lei kodigo Estrada numeru 6/2003, sé sidadaun sira ne’ebé la kumpri lei kodigo Estrada nian mak Polísia Tranzitu sei aplika lei ne’e rasik ba sidadaun ne’ebé kontra regras” nia afirma ba mídia sira iha nia kna’ar fatin Komando PNTL Munisípiu Dili, Tersa-Feira ne’e (13/12/2022)
Antes ne’e Polisia Tránzitu prende ona motorizadas husi adeptus sira hamutuk sanolu resin rua (12) motor kanu resin haat, (4) no dokumnetus la iha hamutuk Lima (5) tamba ne’e Polísia Tranzitu husu ba adeptus sira atu kumpri nafatin regras husi lei kodigo Tránzitu nian.
Iha artigu 162 alinea 2 hateten katak ba kareta na’in ga motor na’in sira ne’ebé komete imprasaun ba motorizada sira ne’ebé halo konvoiu ba jogo Copa Mundial no ba hotu-hotu ne’ebé kona imprasaun mak liu ona Noventa Dias (90) sei sai patrimoniu estadu, karik na’in mai atu ejiji hodi lori fila mak nia sei la iha direitu, maibe bele tuir lelaun iha patrimoniu estadu karik liu bele foti fali ninia mas laliu ema seluk mak liu entaun ema seluk mak iha direitu lelaun.
Tanba motor barak mak dadauk ne’e sei iha edefisiu Komandu PNTL Munisípiu Dili, tanba rajaun na’in ba transporte sira ne’e selu koimas kapasidade financeira la to’o, motor kanu resin sei selu u$. 120 dolár, Xapa Matrikula la iha selu u$.60 dolár la uza kapasete selu u$.30 dolár no espelho la iha selu u$. 45 dolár karik transporte balun ne’ebe seidauk rejistu konsidera illegal sei selu u$.300. 00 dolár maximu u$. 400. 00 dolár Afirma Komandante Tránzitu Dili.
Jornalista: Teotonio Alves Pinto
Editor: Marcelino Pereira
loading="lazy" />