G-RTV News (Vikeke) : Populasaun iha postu-administrativu Vikeke Villa, Munisípiu Vikeke, preparadu atu tama ba vasina AstraZaneca segunda doze.
Tuir Administrádor postu, hateten, etapa primeiru ho funsionáriu sira no etapa tuir mai mak foin permite komunidade sira ne’ebé iha fulan ida ne’e sei tama bá doze-daruak.
‘’Konabá vasinasaun iha postu-administrasaun Vikeke villa, hahu ho funsionáriu sira iha etapa dauluk, hafoin tama ba segunda etapa, permite moos komunidade, ne’ebé oras ne’e la’o hela no iha loron 10 fulan ida ne’e, preparadu, sei tama ba segunda doze AstraZaneca’’. Hateten administradór postu Vikeke Villa, António Grigório bá G-RTV.com iha Suku Uaimori, Postu-administradór Vikeke Villa, foin lalalis ne’e.
Hatan konabá efeitu negativu durante vasinasaun António deklara, la iha efeitu negativu no nia fo esperansa katak to’o tinan rohan 2021, bele atinji %80 to’o %90 populasaun ne’ebé simu vasina iha postu refere.
‘’provizoriamente postu Vikekek villa, to’o oras ne’e seidauk hetan efeitu negativu ruma husi vasina refere no iha esperansa katak to’o tinan rohan 2021, bele atinje husi %80 to’o %90 taxa partisipasaun ba sidadaun ne’ebé vasina’’. Hateten Nia.
Postu Administrativu Vikeke –Villa, hamutuk suku 10 ho nia aldeia 62 ne’ebé akumula ema hamutuk rihun 32.977.
Jornalista : Arménio.
Editór : ekipa G-RTV.com
loading="lazy" />