G-RTV.com (Dili) : Nu’udár polítiku sira hein konabá Prezidente Repúblika (PR) atu dekreta Eleisaun Prezidensiál (ELPR) 2022, aban, iha loron 15/01/2022, ‘’possibilidade’’ PR sei halo deklarasaun ofisiál ba públiku no publika iha jornal da Republica.
Tuir informasaun husi fontes kredível ne’ebé G-RTV.com assesu ohin, katak ‘’Prezidente Francisco Guterres Luolo aban sei dekreta data ELPR 2022 no bairua (Dominggo) atuál Prezidente ne’e sei halo deklarasaun offisiál konabá nia re-kandidatura’’. Haktuir fontes ne’ebé lakohi publika nia naran.
Fontes kredível ne’e, esklarese liu tan, kandidatu husi Partidu Fretilin mak Franscisco Guterres Luolo ne’ebé tuir planu sei deklara offisiálmente iha munisípiu Ermera, loron Dominggo ne’e.
To’o oras ne’e, kandidatu Timor-oan mai husi partidu no pessoál independente ne’ebé atu kandidata-an bá Prezidente Repúblika períodu 2022-2027, oras ne’e preparadu ona atu deklara offisiál bá públiku hafoin Prezidente Repúblika dekreta data eleisaun nian.
Antes ne’e, iha loron hirak liu ba, Prezidente Repúblika hahu bolu ona partidu polítiku ne’ebé assentua iha Parlamentu nasionál hodi rona sira nia opiniaun molok dekreta eleisaun prezidensiál.
Jornalista : Arménio.
Editór : G-RTV.com
loading="lazy" />