G-NEWS (BRAZIL) – Husi Brasil Prezidente Repúblika, José Ramos-Horta mós akompaña triste notísia kona-ba falesimentu Papa Eméritu Bento XVI iha Vatikanu no konsidera katak, kreda no fi’ar na’in sira, inklui iha Timor-Leste lakon pensadór filozófiku no teolójiku, maibé, iha esperansa katak, igreja sei metin nafatin ho lideransa Papa Francisco nian.
“Nia idade avansadu teb-tebes, tan ne’e nia mós resigna-an tan nia hateten, nia la aguenta ho stress, servisu todan nu’udar Papa, tan ne’e, Papa Francisco hetan eleisaun iha Kolégiu Kardinal sira, ho nia i’is kotu, igreija lakon ninia pensadór teolójiku, pensadór filozófiku, númeru um iha igreija, Papa Bento XVI, koñesidu nu’udar teologu bo’ot ida husi Alemaña” hateten Xefe Estadu.
Xefe Estadu haktuir katak, hasoru malu dala tolu ho Papa Bento XVI iha Roma (Itália) no iha Sydney Austrália.
“Hasoru primeira vez, waihira hanesan Primeru-Ministru iha 2006, momentu krize, bá Roma nia simu ha’u nu’udar Primeiru-Ministru, depoiz ha’u hetan eleisaun nu’udar Prezidente ha’u ba Roma, dala ida tan simu ha’u nu’udar Xefe Estadu no terseira vez hasoru nia iha Sydney, momentu enkontru Movimentu Mundiál Juventude , ne’ebé Timor oan atus ba atus mós partisipa,” rekorda Xefe Estadu.
Editór Textu: Amito Qonusere Araújo
loading="lazy" />