G-News (Dili)-Seremonia Graduasaun Universidade Dili tinan akademiku 2022 ba dala XI ne’ebé realiza iha Salaun Oka Rudal Hudi-Laran Kuarta-Feita ne’e (21/12/2022) ho Motto Edukasaun mak Save ba Mudansa no Moris Di’ak, ne’ebé mak kompostu husi Fakuldade Ekonomia, Fakuldade Direitu, Fakuldade Enjenaria, Fakuldade Saúde, no Fakuldade Edukasaun.
Iha seremonia graduasaun ne’e Presidente Repúblika José Manuel Ramos Horta apresia graduantes sira tanba la fasil hetan sertifikadu husi Universidade noesforsu lubuk ida ne’ebé estudante sira enfrenta hahu husi pre-eskolar, mai to’o iha Universidade inklui esfosru mós husi inan aman ohin bele hetan sertikadu, tanba ne’e edukasaun tenke sai perioridade hodi hasa’e kapasidade ema,inklui mestre sira mós iha duni kualidade akademika atu bele fó kuñesimentu ho di’ak ba estudantes sira
“parabens ba ita bo’ot sira, graduasaun ne’e mai husi sistema ida, hahu husi pre-eskolar ou elementar depois mak ba universitariu, signifika sistema edukasaun hotu-hotu la’o, balun la la’o ho kualidade, tenke hadia kualidade edukasaun iha rai ida ne’e, periorodade númeru um ba kualker Governu ne’ebé iha vizasaun no seriedade hodi fó perioridade ba edukasaun, Timor-Leste tenke fó perioridade absoluta ba formasaun profesores no kondisaun di’ak ba professores sira, profesores ida labele loron-loron mak han supermi hela de’it, tanba osan la iha para han di’ak uitoan ha’u la kontra ema han supermi, supermi iha gostu ha’u mós dala ruma iha uma loke supermi han maibé nutrisaun mak la iha liu, hanesan mós ho cocacola ita hemu gostu lo’os mas aat ba saúde maibé ita sosa tanba baratu lo’os, ita selu osan bo’ot ba deputadu sira ba asesor sira, ita selu osan bo’ot ba ministru sira maibé ita la selu osan bo’ot ba professor sira ne’ebé eduka ita nia oan, ita la fó osan bo’ot ba médiku sira no ha’u sei halo kampaña maka’as ba ida ne’e , nu’udar presidente hakarak rona lider Partidu Polítika sira, ho kompromisiu saidá ba edukasaun, saúde, promesa saidá ba mestre sira, tanba ne’e ha’u sei ejiji partidu sira atu halo apresentasaun programa hodi rona sira nia promesa sira” dehan nia
Iha fatin hanesan Presidente fundasaun UNDIL Estevõa Belo hateten graduandu sira ne’e iha kualidade no bele kompete iha Vaga ruma ne’ebé Governu fó sai tanba sira preparadu ona
“Ha’u nia esperansa ba graduandu sira ne’e iha kualidade bele kompete iha kampu servisu, karik sira lakohi kompete, ne’e la’os problema universidade tanba universidade fó solusaun no fó sujestaun ba sira para sira eskola nafatin no siénsia ne’ebé mak sira aprende husi UNDIL sei nafatin hanesan sira nia bukae hodi buka servisu ne’ebé mak iha” dehan husi Fundasaun UNDIL
Entertantu Graduante hamutuk 672 mak halo graduasaun iha Universidade Dili ne’ebé kompostu husi graduasaun Bacharelato, lisensiatura, inklui pos graduasaun ba mestradu hamutuk sanolu resin ida iha Fakuldade Direitu.
Jornalista: Teotonio Alves Pinto
loading="lazy" />