Jornalísta : Amar Belo //
G-RTV.com (Dili): Plan Internasional Timor Leste Halo Lansamentu Aplikasaun Reprodutiva Hodi Hasa’e Kualidade Assesu Ba Informasaun Saúde Reprodutiva No Fornese Serbisu Ba Foinsa’e Sira.
Embaixadora Plan Internasional Timor Leste, Cidalia Lopes N. Mouzinho Guterres hateten, lansamentu ba programa feto teknolozia ne’e importante atu nune’e reativa fila fali aplikasaun saúde reprodutiva liu-liu kaben ka isin rua sedu.
”Ohin aktividade halo lansamentu ba programa Feto teknolozia liu-liu atu reativa fila fali aplikasaun kona ba saúde reprodutiva liu husi smartphone , ha’u hanoin katak ida nee parte importante ida nebe mak Plan Internsional hamutuk ho parseiru sira tamba iha 2017 ha’u hola parte ona ba programa ida ne’e maibé ida ne’e imoportante atu reativa fila-fali tamba nu’udár embaixadora ba kampaña no impaktu negativu kaben sedu no isin rua sedu, ha’u hanoin katak importante teb-tebes ho lansamentu programa ida ne’e atu hasa’e koensementu ba foinsae sira atu aprende liu kona ba saude reprodutiva liu husi smartphone” Hatete Cidalia ba jornalísta sira iha sala konferensia ótel novu tourízmu, Bidau (Dili), 31/05/2022.
Fatin ne’ebé hanesan, Xefe departamentu saúde adulcentes no jóvem, Silvano Pedro konfirma, lansamentu ne’e hanesan dalan ida atu apoiu ministériu saúde (MS) liu-liu ba atendementu adulcentes no jóvem sira atu nune’e iha koñesimentu atu bele prevene kaben no isin rua sedu.
“Programa ne’ebé ohin lansa ne’e hanesan dalan ida atu apoiu MS liu-liu liga ba atendementu adulcentes no jóvem sira atu nune’e sira bele iha koñesementu ida di’ák hodi bele halo prevensaun tamba ita hotu hatene katak dadaun ne’e ita iha problema barak liu-liu isin rua sedu, kaben sedu nomos soe bebe,” Silvano Konfirma.
Entertantu partisipa lansamentu ne’e husi reprezentante MS, MEJD, SEJD no Meries Stopes, inklui estudante sira.
(REMATA).
Editór : Arménio.
loading="lazy" />