Jornalísta : Amar Belo //
G-RTV.Com (Dili) : Sekretáriu Estadu Protesaun Siví (SEPS)l Liu Husi Diresaun Nasional Ba Prevensaun Konflitu Komunitária (DNPKK), hala’o lansamentu konabá avizu no alerta sedu ba prenvensaun konflitu tama sai suku Iha Munisípiu Dili.
Direitór Jerál Protesaun Civil, Ismael da costa Babo, iha nia diskursu, hateten, lansamentu avizu no alerta sedu ba prevensaun konflitus ne’e atu fó hanoin ba komunidade sira liu-liu kapitál Dili, atu prevene no asegura konflitus iha kampaña ba elisaun prezidensiál.
“Eventu ne’e ita halo alerta fo hanoin avizu ba komunidade sira hodi halo prevensaun ba situasaun saida de’it, ne’ebé mak importante kontribui ba páz, estabilidade iha festa demokrasia ba elisaun prezidente repúblika”, hateten Ismael iha sala migrasaun vila-verde (Dili), segunda feira ne’e, 07/03/2022.
Nia akresenta, kampaña ne’ebé agora la’o hela maibé iha fatin balun, militante sira provoka malu no tuda malu.
”Kampaña ne’ebé la’o hela ne’e, militante balu halo provokasaun no tuda malu tambá ne’e ministériu interior iha papél importante liu husi DNPKK serbisu hamutuk ho parseiru sira atu fo hanoin ba komunidade sira”, Dehan Ismael.
Iha sorin seluk segundo Komandante Monisipiu Dili João Sancho Pires mos hateten DNPKK no Plan Internasional hamutuk ho polísia komunitária tun ba baze atu informa ba komunidade sira atu labele involve krimi ba kampaña ne’ebé la’oo iha Dili laran
” DNPKK no PLAN INTERNASIONAL hamutuk ho Polísia komunitaria, Xefe suku no diretór hamutuk iha ne’e, sira atu tun baze hodi fo hanoin ba komuniadade sira atu tuir regulamentu hodi nune’e labele involve krimi ba kampaña elisaun ne’ebé la’o iha Dili laran”, Afirma João.
Segundu Komadante ne’e, garante kampaña munisipiu Dili sei la’o diak tambá Komandu PNTL, munisípiu Dili hamutuk ho Komandu Jeráll no UPM,UPF atu kontinua halo prevensaun kampaña iha Dili laran. (REMATA).
loading="lazy" />