G-NEWS (DILI) – Rádiu Televizaun G-NEWS hato’o Parabéns ba Komemorasaun Masakre Santa Cruz ba-dala XXXI. Loron ida ne’e loron importante tebes ba ba joven sira, atu halo reflesaun ba rezisténsia joven sira nian iha tempu pasadu, liga ba joven iha tempu agora no ba joven future nian.
Joven Pasadu, joven ne’ebé brani hasoru inimigu, joven ne’ebé defende nasaun hosi okupasaun forsadamentu Indonézia, nune’e luta atu hetan ukun rasik a’an.
Maibé buat hotu diferente tebes, tamba joven barak agora moris iha kondisaun la favorável, joven barak la hadomi malu, gosta tau liman ba malu, hamosu konflitus iha sosiedade nia le’et, ikus mai joven sai vítima, hodi rezulta joven mate tamba la defende malu, joven barak sai traballador iha rai liur, no númeru dezempregu sae.
Unidade hosi joven sira nian, la hanesan ho joven rezisténsia iha pasadu, iha tempu funu nian.
Maibé buat hirak ne’e, sai hanesan referensia, nune’e future mai, joven sira labele kontinua sai vítima bebeik ba interese elite polítika sira nian, ka interese partidu polítika sira. Joven tenke sai joven maduru, joven domin naín, iha sosiedade nia le’et, nune’e bele sai joven transformador ba prosesu dezenvolvimentu nasional.
Ita hotu espera, envolvimentu joven sira iha konflitus, hanesan referénsia id aba joven sira iha future, nune’e bele tau ideias hamutuk hodi konstrui ba dezenvolvimentu nasionál, hodi hadia moris sosiedade nian.
Parabens ba loron nasionál Juventude
Viva Timor Leste
loading="lazy" />