Jornalísta : Arménio//
G-RTV.Com : Ohin, iha ‘’possibilidade’’, Jenerál reformadu, Lere Anan Timur (LAT), sei hatan bá Mari Alkatiri konabá desijaun ‘’Reconhecimeto de Militancia’’ liu husi deliberasaun Nú.° 02/CPN/2022, 26 Marsu 2022.
Karta deliberasaun husi membru CPN-CCF ne’ebé assinadu husi atuál sekretáriu Jerál FRETILIN, Mari Alkatiri, esplika katak, rekoñese LAT nu’udár Eis-Membru Comite Central FRETILIN (CCF) II° Geração tinan 1981 no simu nia hanesan membru CCF atuál ne’ebé iha direitu hetan kartaun militante inklui atu tuir enkontru sira iha komissaun polítika nasionál (CPN-português) no atividade CCF nian.
Hafoin karta ida ne’e publika, hetan kedas resposta husi pájina offisiál Facebook LAT nian, rezeita hodi konsidera katak, karta deliberasaun refere falsa ho razaun tambá la iha koñesimentu husi kandidatu prezidente repúblika 2022-2027 iha primeira ronde, LAT.
‘’Jenerál reformadu la’ós Eis-Membru CCF, Deliberasaun ne’e la konsulta ho LAT, Assinatura duvidozu, la iha karrimbu, publikasaun informal ne’ebé hakloot dalan ba LAT atu lidera FRETILIN’’, razaun rezeita ne’ebé hakerek iha pájina offisiál LAT ho ID : Jenerál Lere Ba Prezidente Repúblika 2022-2027 ne’ebé G-RTV.com assesu iha loron 28/03/2022.
Nune’e mós, liu husi fontes konfirmadu balun, fortifika katak, ‘’possibilidade’’, LAT sei halo konferénsia imprensa hodi deklara nia pozisaun ba karta deliberasaun refere.
Tuir Planu, konferénsia imprensa ne’e, sei hala’o iha loron ohin, 29 marsu 2022, óras 15:00 Pm ÓTL, iha sede nasionál kandidatura LAT, Pantai Kelapa.
Antes ne’e, eis-primeiru ministru Alkatiri deklara iha konferénsia nasionál PLP ne’ebé realiza iha loron hirak liu ba katak, sei simu LAT iha nia uma (CCF) ho dignu tamba hasoru malu ona. (REMATA).
loading="lazy" />