G-NEWS (COM) – Relasiona ho fenómenu Eklipse Solar ne’ebé sei akontese iha Timor Leste ne’ebé bele akontese deit iha área Com Munisípoi Laútem no Beaço Munisípiu Viquque.
Lina Maria do Carmo, iha Kinta-Feira (20042023) iha óras meúdia nian..
Tanba ne’e, G-News kontinua up_date informasaun no situasaun atúal hirak ne’e, tanba iha fatin rua refere, nakonu ho turista sira, sientista internasionál, mídia nasionál no internasionál hodi asiste fenómenu ne’e.
Maria Lili do Carmo, sidadaun ida hosi Com nian informa situasaun atúal iha Com ba G-News.
“Situasaun atúal iha Com ne’e ema barak mak mai iha ne’e, barak liuhosi Dili no mós turista sira mak agora nakonu hela iha ne’e. Agora aumenta barak liutan doque loron hirak liuba”, Maria do Carmo ko’alia assuntu ne’e.
“Klíma iha loron rua ba kotuk ne’e udan boot horseik ho ohin rai loron ona, no komesa manas ona hanesan baibain”.
Komunidade em-jerál barak mak seidauk komprende ho diak kona-ba solar eklipse ne’e, sira barak mak tauk atu sai tanba deit seidauk iha esperiênsia kona-ba solar eklipse ne’e rasik, nune’e barak mak deside atu hela deit iha uma laran doque sai hodi ba haree solar eklipse ne’e.
Iha parte negósiu nian, komunidade balun mak aproveita mos hodi faan sira nia hahan ka bebidas sira, no mos tais ba turista liur no mos rai laran nian.
“Ha’u rasik seidauk simu informasaun ruma atu halo saida deit bainhira to’o momentu solar eclipse ne’e akontese maibé ha’u rona deit hosi youtube husi Ministerio saúde nian, kona-ba óklu solar eklipse nian deit, atu koko oklu ne’e diak ou lae antes atu uza ba haree solar eclipse ne’e”, Lilido Carmo hakotu.
Jornalista : Ekipa G-News
Editór Testu : Amito Qonusere Araújo
loading="lazy" />