G-NEWS (DILI) – Taqabbalallaahi minnaa wa minkum taqabbal yaa kariim, wa ja’alanaallaahu wa iyyaakum minal ‘aaidin wal faaiziin wal maqbuulin kullu ‘aamin wa antum bi khair. Artinya: “Semoga Allah menerima (amal ibadah) kami dan kamu, Wahai Allah Yang Maha Mulia, terimalah!
Ida ne’e mak orasaun no Felisitasaun ba selebrasaun loron Idul Fitri nian.
Sarani Katólika Timor hato’o parabéns ba loron Idul Fitri 1444 ba komunidade Musulmanu iha mundu, espesialmente iha Timor Leste.
Tuir mai Jornalista G-News hala’o vox pop hodi foti hanoin kona-ba espresaun hosi Sarani Katólika Timor nian iha loron Idul Fitri.
Raumundo Expostu, Juventude iha Suku Bairo-Pite Dili “Ha’u hato’o votus parabéns ba maluk Musulmanu sira iha Mundu, liu-liu komunidade sira iha Timor Leste, ne’ebé selebra sira nia loron importante ne’e. Espera katak, ho sira nia loron, sira sei kontribui ba dezenvolvimentu país ida ne’e. Ne’e mak Ha’u nian hanoin, obrigadu barak. Dala-ida tán Parabéns ba Loron Idul Fitri”.
Marzita Soares, Estudante Naun-Formal Kursu Lian Korea “Ohin família Musulmanu sira selebra loron Idul Fitri. Ita hotu espera katak, sira nia loron ne’e sei hametin domin no dame iha sira nia leet. Alende sira sira mós sei fó perdaun ba malu entre sira ho sira iha mundu, espesial iha ita nia rai doben Timor Leste. Parabéns ba komunidade Musulmanu sira”.
Orlando Soares de Jesus, estudante UNTL “Ita hotu nu’udar Sarani Katóliku Roma, hato’o ita nia votus Parabés no felisitasaun ba loron Idul Fitri ba komunidade Musulmanu sira ne’ebé selebra sira nia loron importante ne’e. Espera katak, ho loron importante ne’e, komunidade Musulmanu sira sei sai ema ne’ebé hakraik an, no fó perdaun ba malu hodi kria páz iha sira nia sosiedade”.
Ernesto Vicente Pinto, Negosiante Ambulante ” parabéns ba komunidade musulmanu sira. Parabéns. Obrigadu barak maun”.
Filípe Garçia Soares, Estudante IOB “Da-huluk, Ha’u lori Ha’u nia família nia naran, hato’o votus felisitasaun ba Komunidade Musulmanu sira ne’ebé selebra loron Idul Fitri. Ho sira nia loron importante ne’e, ita hotu espera katak, komunidade Musulmanu iha Mundu tomak, sei kria Páz no Estabilidade, fó perdaun ba malu, hametin relasaun amigável entre ema ho ema maske diferente relijiaun. Maibé iha Timor, ita nia maluk Musulmanu sira nia hahalok la hanesan ho sira seluk, tanba ita iha ne’e maiória Katólika, entaun sira respeita ita nu’udar Maun-alin, no Musulmanu sira mós maiória ema Timoroan, entaun ita iha tolerânsia ba malu” Ita espera katak ho sira nia loron ne’e, belekuda domin entre sira iha sira nia família no sosiedade tomak”
Jornalista : Ekipa G-News
Editór Testu : Amito Qonusere Araújo
loading="lazy" />