G-NEWS (DILI) – Hafoin Santu Padre Francisco, nomeia Padre Leandro Maria Alves, sai Bispu ba Diocese Dili, hodi troka Saudozu Don Basilio do Nascimento, ne’ebé anúnsia offisialmente hosi Don Virgílio Cardeal do Carmo da Silva, iha Salaun Arquediocese Matropolitana Lesidere, Dili.
Sarani Katólika sira agradese ba Maromak, no Santu Padre Francisco, tanba fihir ona bibi-atan diak ida, Padre Leandro Maria Alves, hodi lídera Diocese Baucau.
Ana Paula Maria, Sarani Pároku Aimutin “agradeseba Maromak tanba bele fihir ona Padre Leandro Maria Alves, hodi lídera Diocese Baucau, troka matebian Saudozu Don Basilio dosl Nascimento, maske kleur tebes. Ita hotu nia orasaun ba Bispu foun atu hala’o misaun pastoral ho diak hodi servi sarani sira”.
Arnaldo Gomes, Sarani Pároku Aimutin “ita nia votu felisitasaun ba Bispu foun, Padre Leandro. Ita husu Na’i Maromak atu fó nafatin protesaun ba Nia, atu hala’o misaun ho diak, iha Diocese Baucau, ho susesu. Dala-ida tán votu parabéns”.
Ernesto Soares, Sarani Pároku Aimutin ” Dalauluk ita fó parabéns ba Padre Leandro, ne’ebé hetan fiar hosi Maromak, no Santu Padre Francisco, atu servisu sarani sira iha Timor laran tomak, espesialmente hosi Diocese Baucau. Maske prosesu kleur atu hili Bispu foun, maibé ikus mai, Timor iha Bispu foun. Ita hotu hato’o orasaun ba Bispu foun atu kontinua hala’o nia atividade pastoral ho susesu, no hadia diak liutan Diocese Baucau”.
Terezinha Pinto, Sarani Pároku Motael “Ha’u kontente tebes tanba ita iha ona Bispu foun. Kontente loos nu’udar sarani Katólika. Ita reza hkdi harohan ba Maromak, atu Na’i bele tulun, no proteze nia hosi tentasaun oi-oin. Susesu Amu Leandro”.
Armando Gomes, Pároku Dom Bosco Comoro ” Parabéns ba Padre Leandro, tanba sai ona Bispu Diocese Baucau. Maromak tulun nafatin, atu hetan grasa no rahun diak, hodi servi sarani sira iha Diocese Baucau tomak. Parabéns ba Amu, susesu nafatin iha vída Pastoral”.
Tuir órariu, Sexta-Feira, loron 28 fulan Abril tinan 2023, Bispu nomeiadu, Padre Leandro Maria Alves, hamutuk ho Don Virgílio Cardeal do Carmo da Silva, Don Norberto Amaral, ho ekipa, sei desloka ba Vatikanu, Roma-Italia, hodi hasoru malu ho Santu Padre Francisco.
Entertantu, seromónia tomada posse ba Bispu foun, depende ba desizaun hosi Bispu nomeiadu.
Jornalista : Ekipa G-News
Editór Testu : Amito Qonusere Araújo
loading="lazy" />