G-RTV.com (Dili) : Relasiona ho númeru kazu Covid-19 ne’ebé kontinua ás iha munisípiu Dili, saúde munisípál hahu estabelese ekipa saúde iha postu entrada sira ne’ebé assesu husi munisípiu seluk mai kapitál Dili atu halo teste rápidu ba Covid-19.
Tuir xefe saúde postu administrativu D. Alexo, Emília Ayati de Sousa iha postu entrada tasi-tolu, informa, ekipa ne’e eziste ho nia objetivu atu halo teste bá sidadaun sira ne’ebé seidauk vasina no seidauk vasina kompletu inklui la iha autorizasaun husi SIJK,
‘’Ekipa ne’e atu halo teste SWAB rápidu ne’e atu hare ema sira ne’ebé mak seidauk vasina no vasina seidauk kompletu inklui la iha autorizasaun husi SIJK hodi tama no sai munisípiu Dili’’. Tenik xefe saúde postu ne’e iha postu entrada tasi-tolu, sexta ne’e.
Ekipa estabelesidu ne’e, hahu horseik(26/08) ne’ebé kompostu husi pessoál saúde, voluntáriu CVTL inklui kolaborasaun ho PNTL iha postu entrada ne’e.
‘’Ami estabelese ekipa ne’e hahu horseik iha postu entrada tasi-tolu nian no kontinua nafatin hamutuk ho ekipa PNTL, voluntáriu sira husi CVTL no pessoál saúde sentru saúde Komoro’’. haktuir Emília.
Fontes ne’e esplika liu tan konabá teste rápidu ne’e katak teste ne’e sei rona rezultadu ho durasaun minute 15 no karik detetadu sei konfirma ho parte vizilánsia nasionál atu lori sira bá iha sentru izolamnetu.
‘’Teste ne’e sei halo teste rápidu ho nia durasaun minutu 15 bele rona ona rezultadu, bainhira detetadu pozetivu, sei kordena ho ekipa vizilánsia nasionál atu bele lori sira bá iha sentru izolamentu’’. Esplika fonts ne’e.
Entertantu, ekipa teste rápidu bá Covid-19 nian, hala’o moos iha postu entrada sira ne’ebé PNTL hala’o passa revista hodi hare ema tama no sai mai iha area serka sanitaria no konfinamentu obrigatóriu munisípiu Dili, hanesan tasi-tolu, Kasnafar, Dare inklui Metinaru.
Jornalista : Arménio.
Editór : Ekipa G-RTV.
loading="lazy" />