G-NEWS (DILI) – Komisaun Reguladora Arte Marsiais (KRAM) konsidera atu reativa fali aktividade Arte Marsias (AM) depende ba komportamentu hosi membru organizasaun arte marsiais, treinador no lideransa organizasaun sira.
Lia-hirak ne’e hato’o Prezidente Komisaun Reguladora Arte Marsiais (KRAM) Octavio da Conceição hato’o assuntu ne’e bainhira distribui matérial elektrónika no motorizada ba KRAM nasionál no estrutura sub-KRAM munisípal, iha Lecidere, kinta-feira (160524).
“Governu suspende organizasaun sira ne’ebé mak hamahan iha Federasaun Silat Timor Leste nia membru sira mak bal-balun sempre komete problema ne’ebé perturba ordem públika, desobidensia ordem legais sira, mak hanesan organizasaun PSHT, IKS.PTL no KORKA nia aktividade ne’e supende kontinua to’o iha fulan-Outubro tinan 2024”, hateten Octavio da Conceição.
Membru PSHT lori fatuk, besi kanu, no fiska ataka uma komunidade
“Depois suspende atividade ne’e, Komisaun Reguladora Arte Marsiais sei aprezenta relatóriu no mos aprezenta pareser favorável ida ba sua exelensia ba MJDAK Sr. Nélio Isaac Sarmento para atu bele aprezenta ba Konsellu Ministru hodi hetan fali desizaun foun, oinsá mak bele hare iha nesesidade para reativa fila fali atividade arte marsiais ka lae? Atu rativa fali sira nia atividade arte marsiais ne’e depende ba komportamentu membru arte marsiais, treinador no lideransa sira tuir segunda diretava KRAM ne’ebé mak produz no fahe ona iha 2022 “, Nia esplika.
Ministru Juventude Desportu Arte no Kultura Nélio Isaac Sarmento husu ba KRAM nasionál no sub KRAM munisipal sira, atu informa ba autoridade lokál sira ba grupu arte marsiais balun, ne’ebé sei subar nafatin atividade treinu.
IKS PTL Kera Sakti hakarak kontribui dame liuhosi formasaun desportiva
“Hakarak fo hanoin ba KRAM nasionál no sub KRAM munisípal sira, ita iha informasaun barak tanba grupu ne’ebé sei gosta nafatin hadomi violênsia, subar-subar nafatin atividade ruma atu iha obrigasaun informa ba komunidade no autoridade lokál kona-ba atividade sira ne’ebé lakohi hatudu an maibé hakarak subar tanba la tempu ona atu rahasia ba malu, ita moris iha nasaun demokratiku, ita sente katak ne’e legál hatudu, lalika subar an”, Nélio Isaac Sarmento ko’alia ba públiku.
KRAM sosializa lei arma branka ba membru OAM iha Fatululik
Entertantu grupu arte marsiais iha Timor Leste hamutuk-16, no dadaun governu suspende hela ne’ebé sei remata iha loron 10 fulan-Outubro tinan ne’e, hanesan PSHT, IKS-PTL no KORK.
Jornalista : Martinho Belo
Editór Testu : Amito Qonusere Araújo
loading="lazy" />