Jornalísta : Arménio //
G-RTV.com (Dili) : Relasiona ho Publikasaun ne’ebé publika iha rede sosiál iha semana rohan ne’e, liu husi Facebook ho ID. Ceslink Timor Leste, konabá prémiu no pulsa husi kompañia telekomunikasaun refere, ne’ebé sei fahe ba kliente sira.
Ho nune’e, liu husi lideransa Ceslink klarifika katak publikasaun ne’e la loos no sira hakfodak ho pájina Facebook ne’e.
“Ami moos hakfodak ho publikasaun ne’e, ami la iha responsabilidade, tamba Pájina Facebook Celink nia offisiál ami seidauk fo sai, maibé derrepente iha publikasaun hanesan ne’e, ne’e ilegál“, Dehan Sergio Gabriel Dos santos, Via-telefone ba G-RTV.com, Segunda ohin, 20/06/2022.
Fontes ne informa liu tan, to’o agora, CESLINK nia servisu seidauk ba promossaun maibé “Servisu ne’ebé durante ne’e halo mak preparasaun inklui instalasaun ekipamentu rede telekomunikasaun sira iha territóriu, ne’ebé oras ne’e la’o namanas hela iha munisípiu Likisa, Same, inklui Dili,” informa Diretór ne’e.
Entretantu, publikasaun konabá Promossaun pulsa no prémiu nian iha pájina facebook ho naran CESLINK TIMOR LESTE, tuir G-RTV.com assesu, hahu mosu iha loron Dominggo (19/06/2022) ne’e no ema assesu ona besik 15 Mill resin iha rede sosiál.
(REMATA).
loading="lazy" />