G-NEWS (DILI) – Kuarta-Feira (08032023), sidadaun sira sente triste ho polítika Ministériu Justisa, liuhosi Diresaun Nasioná Rejistu no Notariadu, Ministériu Justisa (MJ) ne’ebé to’o oras ne’e seidauk bele fasilita timoroan sira, ne’ebé atu trata passaporte Timor.
João Bosco ba G-News dehan, situasaun ne’e impede viajen timoroan sira ne’ebé hakarak atu ba rai liur, liu-liu Indonézia, Europeia no nasaun seluk ne’ebé planu halo destinasaun.
João ho nia kolega naín tolu, obrogado tenke hein ho kaderneta Passaporte Timor, hodi renova, tanba sira nia passaporte hela semana ida labele utiliza ona ka loron expire hotu ona, tanba kritériu viajen ba estranjeiru, tenke passaporte foun antes fulan neen atu to’o ona data expired.
José Lobo, estudante hosi Indonézia pasiensia tenke hein atu renova passaporte tanba ninia to’o ona atu fulan neen ba data expired.
“Ha’u iha ne’e semana rua ona atu renova Ha’u nia passaporte. Ha’u nia prosesu aprendijajen mós lao ona, maibé laos kestaun kona-ba estudu, iha atividade seluk ne’ebé presiza halo”, dehan nia iha Mandarin.
Manuel Pereira, esudante UNTL informa, ho kaderneta passaporte Timor ne’ebé seidauk iha, hatudu inkapasidade jerente sira. Tuir loloos Ministériu Justisa (MJ) tenke iha planu no preparasaun másimu, kuandu kaderneta passaporte menus, tenke aselera ona, labele hein to’o hotu mak foin halo planu. Situasaun ne’e implika tebes sidadaun Timoroan sira ne’ebé iha planu orijente ruma atu ba rai liur ho finanseiru rasik, labele hetan passaporte.
Nune’e, sidadaun hirak ne’e husu ba Governu atu atende lalais problema ne’e, tanba ida ne’e mak falla, signifika Governu la susesu. Tuir sira katak, buat ki’ik labele rezolve ona, satan buat bo’ot.
Jornalista : Ekipa G-News
Editór Testu : Amito Qonusere Araújo
loading="lazy" />