G-RTV News: Sentru Integradu Jestaun Krize (SIJK), liu husi koordenadenasaun forsa tarefa ba prevensaun no mitigasaun surtu Covid-19 ne’ebe lidera husi dr.Rui Maria de Araujo , foo sai ba pasiente sira ne’ebé rekuperadu husi moras Covid-19, livre ona husi teste SWAB bainhira halo deslokasaun.
‘’Hahu loron 2 fulan Juñu tinan ida ne’e, ema ne’ebé rekuperadu ona husi Moras Covid-19 liu husi izolamentu terapeútiku domisiliar iha Uma –rasik ka iha fatin izolamentu ne’ebé guvernu prepara, bainhira atu desloka sai husi area serka sanitária (SS) , La Presija Halo teste SWAB’’. haktuir komunikadu imprensa husi SIJK ne’ebé G-RTV.com assesu.(11/06).
Komunikadu ne’e, foo sai moos katak, maske la tuir teste SWAB maibé nafatin presija karta autorizasaun husi SIJK iha kada munisípiu no nasionál ne’ebé aplika SS.
‘’Maske la presija ona teste SWAB maibé nafatin iha karta autorizasaun husi SIJK molok sai husi area SS. Atu hetan autorizasaun prersija hatudu evidénsia sertifikadu alta husi izolamentu ne’ebé Ministériu Saúde liu husi pilar 7 fo ona ’’.hakerek iha komunikadu imprensa ne’e.
Lian husi komunikadu ne’e moos afirma tan, ema ne’ebé sai ona husi izolamentu maske livre ona husi SWAB teste maibé nafatin simu Vasina, la iha kontra indikasaun médiku.
Kazu foun ba loron ohin, iha pasiente na’in 31, dili domina ho ema na’in 22 no munisípiu seluk hamutuk na’in 9. Atualmente, kazu ativu hamutuk 1616, kazu rekoperadu, hamutk na’in 164.
Jornalista : Arménio.
loading="lazy" />