G-RTV News (10/04/2021) : Judicial System Monitoring Program (JSMP) ho inisiativa rasik, hakarak fo apoiu família afetadu ba inundasaun ne’ebé foin lalais akontese iha Munisípiu Manatutu.
Maibé bainhira to’o iha postu PNTL Metinaru, hetan intervensaun husi parte Seguransa tamba la iha karta autorizasaun husi SIJK.
‘’Bainhira ami to’o iha postu PNTL iha pontu entrada Metinaru, hetan intervensaun husi seguransa sira tamba ami la iha Karta autorizasaun husi SIJK’’, haktuir Adjuntu Diretór JSMP Casimiro Dos Santos, via-telefone ba G-RTV.Com, Sábadu ne’e.
Nia hatutan liu tan katak, tuir lolos ami hatene hela regra sira konabá SS, maibé tamba situasaun obriga, rápidamente ami tenke ba :
‘’lolos ami hetene hela konabá prossesu sira ne’e, maibé tamba situasaun natureza ne’ebé ita la espera, hamosu ona inundasaun, entaun ida ne’e tama ona karákter urjente, nune’e fo exepsaun ruma atu inisiativa hirak ne’e bele la’o to’o fatin sira ne’ebé Populasaun infrenta’’ fontes ne espresa.
Bainhira la liu ba Munisípiu Manatutu, Ekipa JSMP deside fila mai Suku Hera, Postu Administrativu Kristu Rei, atu fahe sasan báziku ba sira ne’ebé afeta mós inundasaun ne’ebe to’o agora la iha ujudu umanitáriu husi Guvernu.
Sasan hirak ne’ebé JSMP lori atu ba fo iha família afetadu Munisípiu Manatutu, fontes ne’e deklara katak, ‘’sasan hirak ne’e mak hanesan Biti, Fos, mina. sasan nessesidade báziku sira seluk, no sasan sira ne’e JSMP hetan husi ajénsia Internasionál balun, no eis funsionáriu JSMP nian no JSMP rasik’’.
Konabá Intervensaun husi PNTL nian, tamba bazeia ba regra Serka Sanitária no konfinamentu obrigatóriu ba iha territóriu Munisípiu Dili ne’ebé hahu estabelese iha loron 09/03/2021, katak se de’it mak atu sai husi area munisípiu Dili tenke teste SWAB no iha karta autorizasaun husi Sentru Integradu Jestaun Krize.
Jornalista : Arménio.
loading="lazy" />