G-NEWS (DILI) — Ho desizaun Governu kona-ba toleránsia de pontu, relasiona ho semana santa, tanba ne’e Tribunál Distrital Dili (TDD) sei suspende atividade julgamentu.
Juis administradór Tribunal Distritál Dili (TDD), Afonso Carmona, hatete Governu fo sai ona avizu kona ba pontu de toleránsia relasiona ho semana santa, tanba ne’e tribunal sei suspende atividade julgamentu.
“Loron boot no governu hasai ona avizu ba semana santa hahú loron aban, tanba loron hira ne’e, ita la halo servisu, tanba toleránsia de pontu, maibé ba juis titulares sira ne’ebé mak hakarak mai halo atividade julgamentu ne’e, depende ba sira, mais la mai mós la iha problema,” dehan Juis administradór TDD ba jornalista sira iha nia knaar fatin Tribunal Distritál Dili, Bebora, Kuarta (05/04).
Juis administradór ne’e hateten, loron toleránsia de pontu ne’e, hanesan loron feriadu, tanba ne’e hakarak la kohi atividade sira ne’e tenke paradu.
“Maibé, servisu urjente sira hanesan oin, ha’u dehan, karik arguidu sira ne’ebé mak detein iha sela polisia presiza primeiru intogatoriu ka sira ka presiza sumáriu, para iha loron tolu ne’e la bele prejudika sira nia direitu, entaun karik atividade iha entaun julgamentu tenke la’o nafatin,” nia dehan.
Nia hatutan, nune’e mós iha arguidu balun detein iha prizaun, karik iha loron boot nia laran mak sira, tempu atu sai karik, atividade urjentimente tenke la’o nafatin, maibé karik mak husik livre entaun viola sira direitu, tanba ne’e sira tenke sai.
“tanba ne’e, maske loron boot, maibe karik mak ita hare iha kazu sira ne’ebé mak boot ne’e, hakarak ka lakohi atividade julgamentu tenke lao nafatin,” nia afirma.
Enkauntu bazeia ba despaisu husi governu nia, atu fó pontu de toleransi ba ba funsióna sira atu goza sira nia diretu feriasa mak Tribunál Distritál Díli kumpre despaisu governu nia ba loron toleránsia ne’ebé hahú aban (6/4) to’o loron Segunda (10/4) no hahu fila fali atividade julgamentu iha loron Tersa (11/04), atividade la’o hanesan bain-bain fali.
Jornalista : Ekipa G-News
Editór Testu : Amito Qonusere Araújo
loading="lazy" />