G-RTV News: Partidu Demokrátiku (PD) selebra aniversáriu ba Dala-20 ezisténsia nu’udár partidu ida iha Timor Leste.
Prezidente Partidu , Mariano ‘’Assanami’’ Sabino iha nia diskursu hateten katak desde harii PD hanesan afirmasaun ida atu hatutan Ás-Wa’in sira nia lian no mehi.
‘’Desde ita harii PD, hanesan afirmasaun ida, atu hatutan Ás-Wa’in sira nia lian no mehi, povu Maubere nia luta ba libertasaun pátria no sei kontinua libertasaun povu, prossesu ne’e la fasil maibé tamba ita hotu mai duni ho komitmentu ho prinsípiu atu luta ba rai ida ne’e, to’o ohin loron ita ezíste nafatin’’. afirma Assanami iha selebrasaun loron aniversáriu PD, Sede Nasionál, Kolmera, Munisípiu Dili (10/06).
Fundadór no Sekretáriu Jerál (Sekje) dahuluk ne’ebé konsidera hanesan Sekje ho idade ki’ik liu entre partidu bo’ot sira iha Timor tinan 2001 nian reforsa tan, PD iha primeiru Assembleia konstituinte kontribui hodi hatur Konstituisaun Repúblika Timor Leste (KRDTL)
‘’Tinan 2002, PD kontribui hodi hatuur KRDTL, ne’ebé nakonu ho espíritu no valore ne’ebé funu-na’in sira buka duni, maibé tenke operasionalija, atu sai hanesan lisan ba hahalok moris no ba ukun nian’’. Reforsa Sekjer dahuluk PD.
Eis-Ministru Agrikultura ne’ebé moris iha loron 01 fulan Abríl tinan 1971, fó alerta bá militante partidu PD no ema hotu, hodi labele sura buat ne’ebé halo ona ba rai-Timor.
‘’labele sura buat ne’ebé mak ita halo tiha ona, tambá merese duni ita tenke halo duni ba rai Timor, ita sura saida mak seida’uk halo ba povu.’’. espressa Munisípuu Lautém-oan ne.
Líder jerasaun foun ne’ebé sai favóritu ida entre líder sira seluk iha Timor, apela ba PD oan tomak atu lolo liman bá partidu no ema hotu atu hamutuk sai forte.
‘’PD tenke lolo liman ba partidu oi-oin, ba inan-aman sira, katak ita hamutuk mak Timor forte, labele lakon tempu iha media sosiál, atu dezakredita ema seluk, atu kontente ho ema nia terus, ne’e ita moras mentál tambá ita mai atu suku ho razaun PD ba ema hotu, tan ne’e loke odamatan ba ema hotu’’. Apelu husi Juventude no estudante rezisénsia iha tempu okupasaun Indonézia ne’e.
Atuál deputadu husi bankada PD haklaken liu tan, nafatin ho polítika ba interese nasionál hodi haluha konflitu passadu.
‘’Ho 20 Anos, ita bele hare katak ita nafatin ho polítika ba interese nasionál liu-liu unidade nasionál, hakruk nafatin ba ita nia maun sira, aman sira, husu nafatin atu sira haluha konflitu passadu, tambá istória mak sei haklaken se mak halo barak liu iha tempu uluk’’. Haklaken fontes ne’e.
Ikus liu, Uma-Liasan Tutuhafa oan husi Postu Luro ne’e husu ba partidu sira hotu tenke fuan bo’ot ba estadu atu defende integridade estadu.
‘’ Husu ba partidu sira, ba líder sira hotu, rai Timor ita nian, tenke fuan bo’ot ba estadu, atu defende integridade estadu, la’ós haburas mentál grupuísmu ‘’. Haktenik nia.
PD harii iha loron 10 fulan juñu tinan 2001, ho nia fundadór sira maioria mai husi Estudante no juventude rezisténsia iha Indonézia inklui balun iha Timor.
Prezidente PD husi períodu 2001 to’o 2015, lidera husi Saudozu Ferrnando ‘’Lasama’’ de Araujo to’o hakotu nia íss iha inísiu fulan juñu tinan 2015, no nomeia provijóriamente Adriano Do Nacimento troka saudozu Lasama to’o akontese kongressu Nasionál PD iha tinan 2017 hodi lori Assanami sai Prezidente no António da Conceição ‘’Kalohan” eleitu sai Sekje PD to’o ohin loron.
Involvimentu PD iha guvernasaun, hahu husi 2007 iha Aliansa Maioria Parlamentar (AMP) to’o 2015, hafoin iha mudansa polítika, hodi deside kuadrus PD ajuda guvernu ho pessoálmente to’o akontese Eleisaun Jerál 2017, hafoin ida ne’e, hamutuk ho Fretilin avansa ho VII Guvernu no ho de’it fulan 7, mosu tan Eleisaun Antesipada, atualmente PD sai opozisaun iha Parlamentu nasionál ho kadeira 5.
Prezidente PD iha ambaun diskursu ba selebrasaun Tinan 20 ezisténsia PD, iha sede nasionál Kolmera, Munisipiu Dili.// Foto : JK Lo’o-Lata.usu Ba polítiku sira, ba partidu sira hotu, rai Timor Timor ita nian, wirhgiwhef[‘owefhih
loading="lazy" />