G-NEWS (DILI) – Timor Leste Press Union (TLPU) fasilita formasaun kona-ba Jornalista transparénsia no Eleisaun inkluziva ba Jornalista nasionál sira, ne’ebé membru ba Organizasaun TLPU.
Sekretáriu-Jerál Timor Leste Press Union (TLPU) Zezito da Silva, ba Jornalista G-News, iha Tower Fatuhada, Dili informa, atu kapasita Jornalista sira hodi prepara ba eleisaun parlamentar.
“Ami servisu hamutuk ho parseiru estratéjiku hanesan UNDP realiza hela programa formasaun ida ne’e ba Jornalista timoroan sira hodi prepara sira nia an, atu halo kobertura diak ba kampanha eleitóral no eleisaun lejislativa ne’ebé sei akontese iha loron 21 fulan maiu tinan 2023”, dehan Zezito.
Tuir Nia, formasaun ne’e sei hariku Jornalista sira nia konhesimentu atu hala’o servisu ho profesionál iha eleisaun jerál, no atividade jurnalístika loron-loron.
Estrutura TLPU agradese ba ajensia UNDP ne’ebé apoiu formasaun durante loron tolu hahú tersa-feira (28032023) semana ne’e.
“Ha’u lori membru TLPU tomak, no Jornalista sira, hakarak agradese ba UNDP iha Timor Leste. Ami espera katak apoiu ne’e labele to’o iha ne’e deit, maibé ba oin nafatin servisu hamutuk ho TLPU atu bele implementa programa sira nesesáriu ba assuntu mídia nian”, Sekretáriu-Jerál TLPU hakotu.
Jornalista : Ekipa G-News
Editór Testu : Amito Qonusere Araújo
loading="lazy" />