G-News (DILI) – Xefe Estado RDTL José Ramos Horta, Segunda-Feira (loron 26 fulan Dezembru tinan 1949) selebra nia loron moris ba dala-73.
José Ramos Horta hanesan Diplomata Senior Timor nian, ne’ebé hala’o nia misaun iha rai liur, hafoin lideransa Fretilin deklara Proklamasaun Independénsia iha loron 28 fulan Novembru tinan 1975.
Xefe Estado José Ramos Horta sai Ministru Negósiu Estranjeiru no Kooperasaun (MNEK) da-huluk hafoin Timor Leste restaura ninia Independénsia 20 de Maiu 2022.
Komunidade Nasioná no Internasionál konhese hotu se mak José Ramos Horta, tanba nia hanesan kaliber Internasionál Timor nian ba iha Diplomásia nian.
José Ramos Horta eleitu ba Prezidente da Repúblika ba dala-2 ona; da-huluk iha tinan 2007-2012, no ba daruak 2022-2027.
Ramos Horta hanesan lideransa ida ne’ebé hakraik án, gosta halimar ho nia bei-oan sira Timor oan tomak nian, gosta halimar mós ho joven sira, ativu tebes iha sosial mídia, hodi bele akompanha situasaun polítika mundial.
Ho karakter umilde, halo ema hotu-hotu gosta nia, hodi bolu Avo Horta, hosi labarik sira to’o ferik-katuas, no nia vizibilidade iha sosiedade, sempre motiva ema hotu atu servi Nasaun ne’e liuhosi kontribuisaun iha setór Edukasaun, paz no estabilidade.
Sidadaun Timoroan sira ne’ebé asesu plataforma sosial mídial, fonvotus parabéns ema númeru da-huluk iha Estadu ne’e. Iha tenpu udan ne’ebé konsidensia ho loron moris PR Horta, hanesan sinal matak malirin
Parabéns ba Prezidente da Repúblika José Ramos Horta nia loron moris, espera katak tinan ne’e sei iha saúde diak, atu lori Timor Leste ba Mundu Internasionál sai konhesidu diak liutan.
Redasaun G-News hato’o votus Parabéns ba Xefe Estado José Ramos Horta nia tinan ba dala-73, espera katak buat hotu sei diak.
Redasaun G-News
loading="lazy" />