Jornalísta : Arménio //
G-RTV.com (Dili) : Prezidente Comisão Nacional de Eleieções (CNE) ne’ebé lidera ekipa hodi hasoru malu ho Prezidente Repúblika, deklara, osan bá kada votu ho folin $4 hanaran subvensaun ba Kandidatu Prezidente (KaPrez) ne’ebé kompete iha eleisaun prezidensiál 2022, tempu badak sei halo tranferénsia.
‘’Subvensaun bá Partidu no Kandidatu Prezidente iha eleisaun prezidensiál 2022-2027 dadaun ne’e prossesa hela tuir Lei, hotu-hotu iha direitu, la depende bá votu ki’ik no bo’ot maibé $ 4.00 kada votu ida, ami prepara ona hein haruka bá ministériu finansas hodi halo pagamentu,’’ Klarifika Prezidente CNE José Agustinho da Costa Belo hafoin enkontru ho Prezidente RDTL iha palasiu Prezidensiál, Ai-Tarak Laran, Segunda ohin, 27/06/2022.
Tuir Prezidente CNE, orsamentu ba kandidatura sira ne’e, depende ba votus ne’ebé kandidatu hetan, tékniku sira sei haree hela, kandidatura ne’ebé manan votus barak liu hetan diretu bo’ot, manan votu uituan diretu mos ki’ik, kada votu ida hetan $4.00, totál kada kandidatura sei hare husi totál votante.
Além ida ne’e, CNE mós aprezenta bá Prezidente RDTL Jose Ramos-Horta, konabá atualiza informasaun sira relasiona ho eleisaun prezidensiál nliu ba dadaun ne’e no preparativu sira bá eleisaun parlamentar tuir mai inklui assesibilidade ema ho difisiénsia iha eleisaun.
(REMATA).
loading="lazy" />