G-RTV.com(DILI) : Partido Congresso Naçional para a Reconstrução Timor Leste (CNRT-sigla portugues) hala’o konferénsia nasionál no hili ex-Prezidente Republika, Jose Ramos Horta, atu kompete iha eleisaun prezidensial ba periodu 2022-2027.
Bainhira iha sesaun intervensaun, prezidente partidu promovidu, PARTIDU TIMOR FORTE (PATIFOR), Grigório Saldanha deklara ‘’Ha’u mai husi PATIFOR, partisipa hanesan konvidandu no sei apoiu atu lori Dr. Ramos Horta ba Palasiu Prezidente Repúblika’’, tenik nia iha salaun Rudal, Dominggo ne’e (23/01/2023).
Nune’e, Prezidente CNRT responde hodi dehan ‘’ Ami rona ona, partidu la iha aseitasaun, la’ós katak taka dalan, tamba ne’e hadia nafatin, esforsu nafatin, tau iha imi nia hanoin katak saida mak sei halo ba nasaun, maibé ita agora hamutuk hodi lori Ramos Horta ba oin’’. Resposta Xanana Gusmão nu’udár Prezidente partidu CNRT.
Antes ne’e, komesa husi tinan 2020-2021, PATIFOR esforsu nafatin atu rezistu legalmente nu’udár partidu legal iha Timor Leste maibé la konsege iha períodu 2020, no ikus mai deside hodi la’o hamutuk ho partidu legal ida tuir deklarasaun husi Grigóriu.
Jornalista : Arménio.
Ekipa G-RTV.com.
loading="lazy" />