G-RTV.com (DILI) : Líder Nasionál Kay Rala Xanana Gusmão hasoru malu ho komissaun B iha Parlamentu Nasionál (PN) hodi koalia konabá progessu servisu Fronteira Marítima (FM) no terrestre nian.
Durante óras 3 resin ho Komissaun B, Xanana Gusmão deklara prossesu tomak durante xefe negosiadór hamutuk ho ekipa FM hala’o.
‘’Ohin hasoru malu ho Komissaun B aprezenta servisu ne’ebé durante ne’e ekipa FM hala’o tambá komissaun B ne’ebé trata assuntu polítika externa, dezefeza no seguransa’’. Deklara Eis-Primeiru Ministru ne’e, iha PN, loron 21/01/2022.
Prezidente Komissaun B, José Agustinho Sequeira ‘’SOMOTXO’’, afirma, audensia ne’e fokus iha assuntu negosisaun fronteria rai-maran ho indonézia.
‘’Ohin hala’o audénsia ho xefe negosiadór FM atu aprezenta servisu sira ne’ebé hala’o ona, liu-liu negosiasaun foun konabá fronteira marítima no terrestre iha Citrana (RAEOA) ho indonénzia’’. Afirma Somotxo.
Xefe Komissaun B moos saliente, fatuk Sinai iha RAEOA mak sei iha prossesu negosiasaun, to’o oras ne’e prossesu negosiasaun la’o hela, tambá tuir nasaun viziñu, fatuk Sinai la tama iha liña Timor Leste nian.
Xanana Gusmão hetan nomesaun husi estadu hodi lidera negosiasaun fronteira entre Timor Leste ho nasaun viziñu Indonézia no Australia iha tempu ne’ebé bainhira hahu negosiasaun konabá liña fronteira maritima entre Australia no Timor, iha ne’ebé ikus mai Timor Leste manan iha tribunál Internasionál, Olanda.
Jornalsita : Arménio.
Editór : G-RTV.com.
loading="lazy" />