G-NEWS (DILI) – Sábadu (15042023), Iha salaun Konferênsia CCD, Dili, Estudante Akadémika Universidase Dili (UNDIL) husu Kay Rala Xanana Gusmão atu esplika ba públiku razaun tanba sá to’o oras ne’e seidauk hamutuk atu liberta povu, maske durante okupasaun Indonézia tinan 24 nia laran, hamutuk liberta ona rai ne’e hosi invazór sira.
Perguntas ne’e mosu, hafoin Kay Rala Xanana Gusmão sai oradór prinsípal, nu’udar Prezidente Honoráriu UNDIL, hodi ko’alia kona-ba Konstrusaun Estadu no Konstrusaun Nasaun.
Hatan kona-ba ne’e, Eis Primeiru Ministru Xanana Gusmão dehan, maske diferensia polítika, maibé la iha interese nasionál, Xanana la hamutuk.
“Ha’u uluk membru CCF. Iha ona demokrásia nia laran, buat ida lao hamutuk ne’e depende. Se ita hanoin ba rai ida ne’e nia interese, ita sei hamutuk, mesmu partidu A, B, C, mais ita hanoin interese nasioná, tau hamutuk iha ne’ebá, ita hamutuk”, Xanana esplika.
Tuir Xanana katak, saida mak bele fahe ita, tanba interese nasionál. Nia dehan tán, Kuandu iha interesene nasionál, partidu A sees ba iha ne’ebá, tanba demokrásia.
“Kuandu assuntu interesse nasionál mak ita kontra, ne’e deskulpa”, Xanana re-afirma liutan.
Iha demokrásia nia laran, mak hanoin kona interese nasional mak la hamutuk ona, susar teb-tebes.
Xanana mós kestiona katak, tinan-tinan la iha relatóriu kona-ba uzilizasaun fundu petrolíferu, tanba Nia konsidera osan povu nian, maibé estraga hotu, la iha relatóriu inklui Fundu Covid la iha relatóriu.
“Se hanoin hanesan, hamutuk dezenvolve rai ida ne’e. Aprezenta eletrifikasaun no planu estratéziku Dezenvolvimentu, Aprova ratifikasaun fronteira marítima, ba iha Parlamentu Nasionál, Fretilin vota kontra”, Xanana ko’alia makaas.
“Se hakarak hamutuk, CNRT la sai hosi Governu. Tanba ida ne’e mak interese nasional”, Xanana hakotu.
Jornalista : Ekipa G-News
Editór Testu : Amito Qonusere Araújo
loading="lazy" />