G-RTV News (31/05/2021): Líder karrismátiku dala-ida tan hatudu nia jestu Umilde atu hadia Inan-Faluk ida nia uma, iha aldeia 12 de Outubru, Suku Komoro, Munisípiu Dili (31/05).
Ho kalsa badak no ain ne’ebé hafutar ho tahu dodok, Líder karrimátiku Xanana Gusmão, diretamente ba uma Inan-Faluk Agustinha Dai ho Oan Na’in 5, atu konstrui ina-faluk nia uma provizóriu ho nia medida 6×4.
Hanesan Uma Na’in, Agustinha ho laran kontente no matan been, agradese ba líder nasionál Xanana ne’ebé fó biban atu hakma’an nia terus.
‘’Ha’u feto-faluk ida, la espera, hanesan grasa ida husi maromak no matebian sira, Avô Xanan a derrepente mai hetan ha’u no hadia ha’u nia uma ho kondisaun ne’ebé at tebes liu-liu afeta moos ba inundasaun’’espressa Nia.
Fontes ne’e, hasa’e de’it agradesimentu ba Maromak tamba nia sente katak labele selu grasa ne’ebé nia simu ba loron ohin.
‘’Sente labele selu ida ne’e, maibé ha’u ho orasaun tomak ba Maromak atu halo ita nia líder iha nafatin kondisaun di’ak atu haree ami povu’’. Hak tuir Agustinha.
Observasaun iha terrenu, nota katak, Líder nasionál Xanana orienta hanesan ‘’Tékniku Engiñeiru’’ ba jóvem no bada’en balun atu hamutuk ho nia hodi konstrui uma provizóriu ba Inan-Faluk refere.
Entertantu, lagoa tasi-tolu, aldeia 12 de Outubru, Sai atensaun bo’ot ba Timor-oan sira iha rai-liur no rai-laran tamba hasoru dezastre naturál ne’ebé akontese iha loron 04 fulan Abríl liu bá.
Oras ne’e dadaun, bee ne’ebé nakonu iha Aldeia 12 de Outubru komesa tun no populasaun ne’ebé kuaze fulan ida resin hela iha fatin refuziadu, balun komesa fila ona ba nia hela fatin, tamba hetan apoiu máximu husi líder nasionál Xanana Gusmão no entidade sira seluk.
Jornalista :Arménio
loading="lazy" />