Jornalísta : Arménio //
G-RTV.Com (Dili) : Hafoin kampaña loron 5 husi kandidatu prezidente repúblika periodu 2022-2027, José Ramos-Horta, Xanana seidauk hare advesáriu ruma ne’ebé bele kompete ho kandidatu husi CNRT, hodi ‘’hadau’’ kadeira Prezidente Repúblika (PR).
‘’Hafoin semana ida, ita sei hare, se mak sai adversáriu Horta nian’’, dehan Xanana hafoin kamapaña hamutuk ho kandidatu Horta iha munisípiu Manatutu-Villa, Sábadu ne’e, 05/03/2022.
Iha Kapaña ne’e, Xanana Gusmão sempre alerta nafatin bá fiskais sira atu hare didiak iha sentru votasaun hodi evita lakunas sira.
‘’Buat ida importante mak servisu fiskais, tenke hamriik iha estasaun vota hodi hare didiak, labele baruk, tambá manipulasaun no falsifikasaun bele mosu iha kontázem votu’’, hato’o Xanana.
Nune’e mós Kandidatu PR, Horta, ho numeru sorteiu 14 afirma nafatin konabá inkonstitusionalidade ne’ebé komete husi atuál prezidente repúblika no promete sei hadia liu husi dalan diálogu. https://g-rtv.com/blog/horta-sei-solusiona-krize-konstitusional-viqueque-oan-promete-fo-apoiu/2502/notisia/
Entretantu, iha kampaña ne’ebé hala’o iha manatutu, hetan partisipasaun máximu husi komunidade, simpatizante no militante CNRT inklui partidu no movimentu sira ne’e apoiu.
Antes hala’o kapaña iha manatutu villa, parte dader, hala’o uluk diálogu ho komunidade Laclubar no tuir planu, iha loron tuir mai sei hala’o kampaña iha munisípiu Aileu.
Kampaña ne’e, iha mós observadór husi CNE, STAE no observadór Internasionál, asegura husi autoriedade seguransa (PNTL) to’o komísiu ne’e remata.
Husi Manatutu, finaliza ona missaunkampaña prezidensiál, nobel bá Paz, Ramos Horta iha parte leste ne’ebé inklina husi munisípiu Lautém, Baucau, Viqueque no Manatutu remata. (REMATA).
loading="lazy" />