G-NEWS (MANUFAHI) – Prezidente Republika, José Ramos-Horta, no Embaixadór Correia do Sul iha Timor-Leste, Shin Man Taek, Kinta-Feira ne’e, distribui nesesidade bázika ba Centro das Crianças da Maria – CCM, Munisipíu Aileu no SOLS iha Holarua, Munisípiu Manu-fahi.
“Sasan nesesidade bázika (pakote alimentasaun) ne’ebé Prezidénsia mak sosa, sapatu ho hena Embaixada Korreia mak oferese ba estudante sira iha fatin ne’e,” Hateten Prezidente Republika, hafoin distribui apoiu ba CCM Aileu.
Reponsável CCM Aileu, Leonora Guterres, Leonora Guterres, agredese inisiativa ne’e, tanba bele hakmaan sira nia difikuldade.
“Ha’u kontente no agradese ba Prezidente Republika, Jose Ramos-Horta ho Embaixador Korreia nia apoiu, tanba hanesan aman nasaun ida, bele mai direta iha ami nia fatin no ami sente apoiu hirak ne’e, bele hakmaan no ajuda tebes ami nia estudante sira”, Hateten Leonora Guterres.
Centro das Crianças da Maria – CCM, Munisipiu Aileu estabelese iha tinan 2016 no to’o agora akumula estudante 50 resin husi Aileu no mos Munisipiu seluk.
“Labarik hirak ne’e la’os Aileu-oan de’it, Labarik ne’ebé aprende iha Sentru ne’e hamutuk 50 resin, balun hela no aprende no balun hela ho familia hodi aprende iha CCM,” Tenik Leonora.
Hafoin entrega apoiu, Prezidente Republika, José Ramos-Horta, no Embaixador Correia do Sul, Shin Man Taek, kontinua distribui apoiu ba SOLS iha Suku, Holarua, Postu Administrativu Same, Munisipiu Manu-fahi.
Jornalista : Ekipa G-News
Editór Testu : Amito Qonusere Araújo
loading="lazy" />