G-NEWS (Dili) – Xefe Kaza Sivíl (CCC-sígla português), Bendito dos Santos Freitas, fahe informasaun kona-ba Prezidénsia Repúblika no servisu kona-ba administrasaun públika ba funsionáriu na’in 23 husi Komisaun Anti Korrupsaun – KAK.
Sosializasaun ne’ebé foka bá natureza Prezidénsia Repúblika hodi halo kooperasaun no medida sira kona-ba kombate korrupsaun, bazeia ba konvite husi Komissaun Anti Korrupsaun.
“Iha konstituisaun klaru teb-tebes, Prezidente mak hanesan ita-nia órgaun númetu 1 estadu nian, garante páz, estabilidade, unidade nasionál no funsionamentu normal regulár instituisoens demokrátikas nian, Prezidente mak Komandante Supremu Forsas Armadas, tanba ida-ne’e papel atu garante estabilidade dezenvolvimentu nasionál ligasaun ho instituisoens estadu tomak atu bele servisu ho di’ak,” hateten Xeke Kaza Sivíl, Bendito Freitas, iha salaun INAP Comoro, Dili.
Xefe Kaza Sivíl mós ko’alia kona-ba dezafiu atu garante funsionamentu administrasaun públika ne’ebé efikaz, efisiente no responsabilidade.
“Importante atu esplika papel Prezidénsia nian, liu-liu kona-ba administrasaun, ninia advokasia akonsellamentu hamutuk ho órgaun ezekutivu sira kona-ba área prioritárius sira ba dezenvolvimentu nasionál, liu-liu atu garante efisiénsia no efikásia iha servisu administrasaun,” tenik Xefe Kaza Sivil.
Tuir Bendito Freitas, Prezidénsia Repúblika nafatin halo advokasia no akonsellamentu ba governu, atu hodi garante normalidade funsionamentu instituisaun demokrátika sira, hodi atende nesesidade sidadaun nian, garante prosesu dezenvolvimentu nasionál iha seitór edukasaun, saúde, agrikultura no seluk tan.
Editór Textu: Amito Qonusere Araújo
loading="lazy" />