G-NEWS (COVALIMA) – Kinta-Feira (27042023) dáder, ema taka oin, uza ai-dona no fatuk, hapara sidadaun sira ne’ebé halo movimentu ba no mai Dili-Covalima iha Auto-estrada, área Tashilin nian.
Januário de Jesus Barros, Jornalista iha Mídia XYZ, no Responsável Mídia Cova5 news iha Munisipiu Covalima, informa ba G-News kona-ba kronólojia hosi akontesimentu ne’e.
“Jam-8 tama ba jam 9 dader hau husi Suai aranka mai Dili, hau liu husi Auto Estrada parte Tashilin nian, derepente ema nain 6 ba leten taka oin metin kaer ai-dona naruk no fatuk liman nakonu, derepente hapara ha’u hodi husu, Maun ba ne’ebé, ha’u hatan ha’u ba Dili, Servisu iha Dili, Sira kontinua husu ha’u, Maun Warga karik, maun latihan saida!? Hau hatan, ha’u Jornalista Média Desporto XYZ, no Responsável Media Covalima news Munisipiu Covalima nian, taun bele liu, ha’u mos trauma kontinua husu sira, maun sira husi ne’ebé, sira hatan ami husi Zumalai, ida fali kaer fatuk ne’e hatan maun ba liu deit ona, ha’u hatan, ok Obrigado barak”, Januario esplika.
“Ha’u mos komesa trauma no tauk halai maka’as derepente hetan mana ho maun ida lao ain hasoru ha’u, ha’u husu Maun Mana ida ne’e parte ne’ebé sira hatan ne’e Parte Zumalai Tashilin”, Niai informa tán.
Januario esplika tán, depois mai liu tiha Auto Estrada Rohan, hafoin hasoru sidadaun ida, hodi informa ba malu kona-ba akontesimentu ne’ebé hanesan.
“Depois ha’u para iha Postu Polisia Faulau hau informa ba Polisia sira iha fatin refere, taun sira mos rona ona husi transporte rua ka tolu ida ona, Polisia sira komesa telefone ba eskudra PNTL Covalima husu kareta polisia atu aranka ba fatin ne’ebé mak,Maun Polisia ne’e koalia liu husi telefone dehan ema deskonesidu taka oin metin tahan Jornalista. Despois la kleur motor ida mai tan tula ferik ho idade ona, mos hanesan hateten ba Maun Polisia ema deskonesidu tahan ami,
La kleur tan motor rua mai tan, motor ida feto nain rua mos informa ba Polisia sira, maun ema tuda ami”, Jornalista ne’e mós informa liután.
“Hau mos tur iha Postu Polisia Faulau Zumalai nian ne’e 20 minutus hanesan ne’e mos kareta polisia la mai, entaun polisia na’jn tolu ba ho motor hodi patrulha ba fatin refere, depois ha’u mos kontinua viajen mai liu Dili”.
Januario esplika tán, nia la konhese ema hira ne’e, no ne’e Kazu ne’e foin akontese, no trauma mós ho atitude ema deskonesidu sira ne’e.
Ho situasaun ne’e, Nia husu ba Segurança PNTL Munisipiu Covalima, tenke tau kareta ida fiksu iha Faulau, nune’e akontese aktus ne’e, bele halo atuasaun imediata, tanba tuir Januario katak, bainhira Polisia tarde, sei implika movimentu tranporte, no bele rejulta ema mate saugate.
Jornalista : Ekipa G-News
Editór Testu : Amito Qonusere Araújo
loading="lazy" />