G-NEWS (INTERNASIONÁL) – Vídeo ida ho durasaun minutu 2 segundus 47, akontese akontesimentu ida estranhu tebes no akontese fila-fali maske kondutór Ambulânsia hamate ona.
Gravasaun vídeo hatudu ahi ka lampu ambulânsia ne’ebé lakan derepente iha tuku 1 liu minutu tolu-nolu, ne’ebé víral tebes iha sosiál mídia.
Momentu ne’ebé estranhu ne’e akontese iha Sabah, Malázia, iha loron 3 fulan Marsu iha sidadaun ida nia rezidênsia.
Estranhu! Ambulânsia ahi lakan derepente iha tuku 2 madrugada, maske hamate ona no lakleur-tán lakan fila-fali.
Tuir fundador Organizasaun Amal no Jariah Sabah, Masrul Guding, tinan 33 hateten, ambulânsia la iha problema.
” Iha loron akontesimentu, Ha’u nia alin sira akompanha mate-isin iha Ranau. Hafoin ida ne’e nia fila-fali iha tuku 10 kalan, nopara kareta iha uma oin. Maizumenus tuku 1 liu minutu 30 madrugada, vizinhu telefone. Nia informa katak, ahi kareta lakan. Ha’u sai ba liur, no haree ahi lakan duni”, nia esplika.
” Ha’u konsege hamate ahi, maibé lakleur tán ahi lakan fali”, Masrul haktuir akontesimentu estranhu ne’ebé akontese.
Tanba koriozu, Masrul rabista parte balun ambulânsia nian. Nia haree hanesan iha butaun ida hanehan hela.
Aproveita kedan halo gravasaun, Masrul hamate butaun refere. Hafoin hamate, ahi lakan tán. Ida ne’e akontese ba da-toluk.
Tuir loja na’in ida ne’ebé servisu voluntáriu ba ambulânsia refere haktuir tán, akontesimentu ida ne’e foin akontese da-huluk ne’ebé nia sente iha njnia vida tomak tula mate isin sira.
” Tinan tolu ona lori ambulânsia maizumenus to’o ona mate isin hamutuk atus-walu tama komunidade sira nia hela fatin”.
” Maibé ida ne’e foin akontese da-huluk, no ninia impaktu mós lahatene”, nia informa hosi Ranau ne’e.
Antes ne’e, Masrul rekonhese dalaruma kaixaun lian iha ambulânsia laran, maibé ne’e normal tanba kareta ambulânsia mos nakdoko kuandu liu tuir estrada kuak. Nia hanoin ba buat diak de’it, nunka iha hanoin ba negativu.
” To’o oras me’e seidauk akontese akontesimentu ne’ebé estranhu tebes iha ninia matan”, nia haktuir.
Masrul mos la preokupa ho sira seluk ne’ebé sempre konta istória hodi fo hanoin ba nia kona-ba buat ne’ebé akontese.
“Durante ne’e iha buat barak ne’ebé akontese estranhu tebes, maibé ita bele liga ba buat ne’ebé lójika no tékniku. Maibé ida ne’e ita la espera atu akontese”, nia informa tán.
Fontes/Jornalista : mStar/Ekipa G-News
Tradutór/Editór Testu : Amito Qonusere Araújo
loading="lazy" />