Âmbitu ELPR 2022, Expidito : ‘’Jornalísta Sira Hatudu Imparsialidade’’

Jornalísta : Amar Belo //

G-RTV.Com (Dili): Konsellu Imprensa (KI) Timor Leste rekoñese durante âmbitu eleisaun prezidensiál (ELPR) 2022 iha ronde da-uluk no da-ruak, servisu jornalísta nia kobertura la’o máximu.

iha elisaun prezidensiál primeiru volta no segunda volta iha kobertura ne’ebé maka’as liu husi jornalísta nasionál no internasionál, hatudu katak importante tebes elisaun prezidensiál nune’e KI nafatin fo hanoin orgaun komunikasaun sosiál hotu liu husi mata dalan reportázen ba  jornalista sira ne’ebé KI fó sai ona katak kaer metin nafatin kodigu étika jornalísta nian atu nune’e públiku bele hetan informasaun ne’ebé balansu no  kredível, la’ós informasaun ne’ebé kria instabilidade.” Deklara  Prezidente Interinu KI,  Expedito Dias Ximenes ba jornalista sira hafoin observa iha sentru votasaun eskola bázika Faról tersa feira ohin, 19/04/2022.

Nia afirma tan, KI hare ba iha elisaun prezidensiál 2022, jornalista hatudu duni nia imparsialidade no neutralidade iha kobertura.

 “Ita hare duni ona hatudu katak kolega sira husi jornalista nasionál no internasional hatudu duni ninia imparsialidade no neutralidade iha kobertura no lahetan hanesan influénsia husi poder polítiku, ida ne’e diak teb-tebes tamba ne’e husu nafatin atu promove imparsialidade no neutralidade nafatin atu nune’e povu fo fiar hanesan mediador no informador ne’ebé di’ák ”. Afirma nia

Nu’udár representante KI husu nafatin firmi iha kodigu étika jornalista nian no promove nafatin imparsialidade, neutralidade no produtu jornalista sira atu forma opiniaun ka atitude públiku nian atu nune’e notísia ka informasaun ne’ebé iha faktus no labele notísia ne’ebé rumoris ka issue.

(REMATA).