Jornalísta : Arménio //
G-RTV.com (Dili) : Komandu Jerál Polísia Nasionál Timor Leste ( KOMJER PNTL) liu husi porta-vóz, relata situasaun atuál iha semana da-tolu ikus ne’e inklui iha ámbitu eleisaun prezidensiál (ELPREZ) ne’ebé hala’o iha sábadu (19/03), foin lalalis ne’e.
Iha aprezentasaun relatóriu ne’e, PNTL rezista kazu assidente hamutuk 50 no insidente iha 52, inklui sidadaun na’in 3 ne’ebé lakon vida.
‘’III semana (Marsu) no Elprez, Komjer PNTL, rezista assidente hamutuk 50, insidente iha 52, iha assidente tráfego durante períodu eleisaun nia laran hamutuk sidadaun na’in 3 lakon vida’’, relata Porta-vóz PNTL, Superintendente Xefe Polísia, Armando Monteiro iha sala konferénsia KOMJER PNTL, Caicoli (Dili), 21/03/2022.
‘’Iha assidente ita rezistu hamutuk 52 inklui kazu espésifiku 5, ligadu ho krime eleitorál, iha munisípiu Baucau no 4 iha Dili, kazu hirak ne’e agora dadaun iha hela prossesu investigasaun nia laran’’, Hatutan eis-komadante munisípiu Baucau ne’e.
Husi Kazu hirak ne’e, PNTL mós detein no prende evidénsia ne’ebé utilija husi suspepeitu sira bainhira halo assaun iha terrenu.
‘’Husi kazu espesífiku ida ne’e, ita mós detein suspeitu iha Baucau nain 3 no Dili hamutuk 25 ho evidénsia motoriza 5 no karreta 3 ne’ebé utiliza hodi halo ofensa integridade simples, danu agravadu, no krime eleitorál sira seluk hanesan perturbansia’’, Afirma Armando.
Hafoin ida ne’e, Porta-vóz ne’e, agradese bá povu Timor Leste tomak ne’ebé hodi kontribui ba prossesu eleisaun to’o votasaun termina.
‘’Agradese ba povu Timor Leste tomak, tamba kolaborasaun inklui bá fiskais, observadór, brigada, ekipa sussesu kandidatu prezidente no média ne’ebé kontribui bá prossesu eleisaun no ikus ita nia estabilidade seguransa la’o ho hakmatek iha eleisaun’’, espresso Komadante ne’e.
Nune’e mós, tuir observasaun, iha loron ikus kapaña eleitorál ne’ebé hala’o iha munisípiu Dili to’o realizasaun eleisaun, hatudu, la iha krime organizadu ne’ebé rezulta anarkísmu iha territóriu nasionál, maske iha tendénsia ne’ebé forte. (REMATA).
loading="lazy" />